MIKHA 2:1 - Khumi Common Language Bible

¹ Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

MIKHA 2:1 Iomraidhean Croise

ATITI AWM ANGCHEI NAI 31:29

Kai my nang ai ana patang hai pajau; na i py jangdyh vum y ngampo i Tameuh my lam y Jakob ai khrukhra hai moh, ang napi.

1 ARENG KEH 21:7

Jezabela my, “Nang ly Israela samrang ny y a? Aseaung naira i ang thau iy amo theu naimy cho nei ba; Naboth i kreip akho ly nang i kiu y kaimy kang-au ai!” napi.

ESTHER 3:8

Naibaly Haman ly samrang teng y, “Samrang nang i empara pri khu ka-peang tleirei y khumi cheng harei awm. Nichi i reita tanyn ly takhra chengchi i reita tanyn hawi atawm y. Nichi ly pri peang nai Reitachi ai py tangai u y. Huna nai y nichi i tlang tleaung y neaung kham naimy awm nai ly samrang nang i vui ati sai py kamran by y leang.

ESTHER 5:14

Hunaibaly my i aju hawi ahawi bawibawichi my ni teng y, “Miu vuipangrei asang nai akaeura yhmmawm leng hai be; Modekai ai huni akaeura yhmmawm salo y padei ai nai khawndam khawn mang samrang teng y hnei be. Naibaly amo theu parai naimy dym biu cha pawira y chei pajau ai,” nanai tau pei u bo. Haman ly huni tau pei nai tangai i, akaeura yhmmawm leng hai bo.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

JOBA 15:35

Nichi ly amichi ai patang hai ai nai dawn tau naimy, hawi y sa nai khumichi lawm u ai. Nichi i paleung pathym ly avawrei li-tapawp nai hawimy kawi nanai ne.

JOBA 24:14

Khumichi ai padei nai keung ly khutawi neng khala theu iy, khumi kamawnchi ai tleh reng nai ne. Ni ly vum y kangviu sa reng.

SAM 36:4

Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 58:3

Hawi y sa nai khumichi ly mymychi deungrei, tamang nairachi naini sa u khyh; nichi ly mymychi tapen khyp khala i my, ka-chawi leu katheu u reng nai ne.

LEU KACHENG 12:2

Areng ly khumi kahawichi ai khrei; na i py hawi y naira ai dawn tau nai khumichi ai ly pajeng nai ne.

LEU KACHENG 14:22

Pahen reng nai khumi ly amichi my ka-ym awm nai hawi, tahm khai nai avum ai; hawi y nai ai dawn tau reng nai khumi ly lam tamang nai khumi ne.

LEU KACHENG 3:27

Nang ly pajau nai neng tleirei y, kapahenra ngai nai khumichi ai pahen pi ba.

LEU KACHENG 4:16

Khumi hawi y naichi ly hawi y naichi so y baly i amhm y. Nichi ly khumi takhra ai patang hai y baly i thai y.

ISAIA 29:20

Amichi ai ana iy Tameuh ai mei aniu y nai khumichi ly tama u ai. Kamngo sa nai khumi ngiereichi ly sum naira nga u ai.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 5:8

Nichi ly taham si! Mymychi teng y awm yb nai yhmchi, li hlauchi vuikanai nawi pa-rei sa naichi awi, kra y naimy khumi takhrachi i vui awm naira meingtym awm ai ny y. Nangmychi tlairei, hini pri theung y awm u ai nai tla ai.

ISAIA 59:3

Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

Ezekiela 11:2

Tameuh my kai ai, “Nang khumi cho awi, hini mary theung y hawi y nai katau pei reng nai khumi kamngochi ly hini khumichi ne.

Ezekiela 33:26

Nangchi ly nangmychi i haisau ai a-ym u nai ne. Nangchi i atiti sa naichi py paso ai nai hawi parai. Khumi luteng py ami i aju chanau taphra u. Na i py hini pri ai nangchi amtym u bo, nanai ati mana nai nangchi dawn u lawh mo?

Ezekiela 38:10

Sa thai naira angym nai Areng my Koka teng y, “Hini neng tym nai khala, nang ly hawi y nai paleung ka-dawn harei sa ai.

Ezekiela 46:18

Kai i khumichi my peang nai khaileaung meingtymchi ai vym vui nai molam y nichi ai patheu thai y ai nai, samrang ly mymy i chapochi ai mymy i peang nai khaileaung meingtym naini pei ai nai tla. Kai i khumichi ly mymychi amtym nai khaileaung khai su moh sy,” napi.

MIKHA 6:12

Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

NAHUM 1:11

Aw Ninevi mary awi, ka-dawn cheaungkhangchi hawi Areng ai hawi y sa ai nai khumi leaungrei ly nang theung i nai amthawn bo.

ZEKHARIAH 7:10

Neampachy lumaichi, nuro nukaichochi, pri takhrachochi, ti y baly kamawn kateuchi ai ano u moh; leaung leaungrei ai, patang hai ai nai tau u moh,’ napi.

MARKA 15:1

Naibaly khawn mang y ly pathyp pi nai keung kalenchi hawi, miteaung kehchi hawi, Reita patiu nai keungchi hawi, tara chih nai keungchi bawibawi py arum u i, Isu ai kawm iy pahawi i Pilata teng y au praw ryp.

LUKA 20:19

Naibaly huni neng khyp khala y ly reita patiu nai keungchi hawi, pathyp pi nai keung kalenchi my ni ai patiu ai nai sai hau u; na i py khumi mipuichi ai jei, huni pata nai leu ly mymychi ai padeang’ nai leu ne, nanai pany.

JOHAN 19:11

Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.

AMTAW 23:12

Naibaly kani si iy Judachi ly vanrei asa krup i, Pawla ai padei y ryrei ly ati sai py cha nei ai ny y, nanai vaineng abeu bo.

AMTAW 23:15

Hunai deaungkho y nangchi hawi tara chih nai keungchi py leu hawi nai tleaung y hawi ra chih ai tau nai kamta, ni ai nngchi teng y pahawi kathiu ai nai tavaimi lu areng keh teng y thui u; naibaly mymy ly nangchi i ahawi y tym y rai kha y my kaichi ly mymy ai padei ai nai ajeng yb ai mang,” napi.

ROM AVANGCHI TENG Y PAWLA I CHA PA NAI 1:30

arum paviu atyhtyh naichi, khumi ai preaung naichi, Tameuh ai niu ngai y naichi, kamlaichi, am-e naichi, apalo naichi, atiti kamngo kangtha patheu nai keungchi, amhm ampo i leu tangai y naichi,

Leu Thui Nai 28:32

Nang i mei keung y my nang i cho chanauchi ai cheng takhrachi my miseaung palawn ai nai hawi vui ai. Nang ly kani tleirei cho chanauchi vawi ali teang na mo, nanai angdeang teu i py mei naini khohai atyhtyh ai.