MIKHA 1:9 - Khumi Common Language Bible

⁹ Samari mary i tamo nga naichi ly kahawi so thai y leang. Juda pri py huna nai taham kasi avum ai. Kai i khumichi awm nai Jerusalem mary apai katheuchira y ka-jeira tym ai,” napi.

MIKHA 1:9 Iomraidhean Croise

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 36:1

Juda samrang Hezekia my peang nai saneng holai palyhrei saneng y, Asuria empara samrang Senakheri ly Juda pri y awm nai amtangra marychi ai tiu vui nai ne.

ISAIA 36:2

Naibaly samrang Senakheri ly my i tavailu areng ai Lakhisa mary i tavaimi kanghuchi hawi Jerusalem mary y chei iy, samrang Hezekia teng y apasum ai nai thui hai bo. Tavailu areng py tleng tuikan dengdairei leaung kathiu nai tuilam sahawi, kanih aneng nai khumichi i kalop sa nai meingtym lam py peang vui bo.

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 46:11

Aikupta pri khumichi awi, Kilead pri mang y chei iy, asi akhangchi hau u! Nangchi i asichi ly dau by y. Nangchi i no-na hawi hai pajau y leang.

MIKHA 1:12

Maroth mary i khumichi ly ajijaw naimy patangra avum u bo. Areng ly Jerusalem mary ai patangra tym hai ai bo i, kaichi mary i khumichi ly paleung ahyn thlyhthlyh naimy kasabawmra ajeng u nai ne.

MIKHA 6:13

Hunai deaungkho y kai ly nangchi i kamngo nai molam y, vaimy nangchi ai pajeng iy phra hai ai; leu ka-chawi katheu u bo.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.