MIKHA 1:8 - Khumi Common Language Bible

⁸ Naibaly Mikha my, “Huni molam y kai ly vo tangam ai. Kai ly paleung si nai sai patei ai nai phainai amchiu y, baichu amchiu y naimy amki ai. Kai ly khiva kamta a-u iy kula-iu tavo kamta tangam ai.

MIKHA 1:8 Iomraidhean Croise

2 ARENG KEH 18:13

Samrang Hezekia i peang nai saneng holai palyhrei saneng y, Asuria empara samrang Sennakheri ly Juda pri i amtangra marychi ai tiu i pajau nai ne.

ESTHER 4:1

Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

JOBA 30:29

Kai i raawi ly khiva, ti y baly tavo kula-iu i hang nai kamta paleung ama i, ahawi nipui by y nai khumi i raawi ne.

SAM 102:6

Kai ly daichi ka-vym theung i tavo kamta py, phra seaungkhrang nai yhm y awm nai beaungku kamta py lawm bo.

ISAIA 13:21

Huni meingtym ly daichi mawichi tlai nai meingtym, beaungkuchi tabu sa nai meingtym lawm ai. Huni meingtym y kula-iu tavochi awm iy, sumpajochi py yhm ka-nawichi theung y ampyh u lengleang ai.

ISAIA 13:22

Angdeangrachi hawi samrang yhmchi ly kasui hawi khivachi a-u nai katyn hawimy amsau na ai. Babulon mary y kamngo pajeng nai neng kani ly ang tym bo! Huna nai awm nai neng kani py dym ai nai kasa bo.

ISAIA 16:9

Vai, kai ly Jaza mary i vui vo-pi reng nai kamta, Sibmah kreip keungchi i vui py vo-pi lawh bo. Khumichi amo theu naimy pakym achu ai nai amti amjangchi by y nai deaungkho y, kai ly Hesabon mary hawi Elealeh mary i vui y meikatui tla bo.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

ISAIA 32:11

Nangchi ly paleung kabi paleung ka-mawn by y iy, paleung savairu naimy awm u bo. Na i py vai ly jei hyn naimy awm u! Nangchi i ateaungchi aleng iy akeng y kanih kamawnchi apam u.

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:19

“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.

Ezekiela 32:18

Mymy ly “Nang khumicho awi, Aikupta pri khumi neangneangchi i vui y vo tangam hai ba. Nichi ai sa thai naira awm nai cheng takhra khumichi i chaniu anglochi hawi vanrei tavau pri y pato ba.

MIKHA 2:4

Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

1 SAMUELA 19:24

Ni ly my i baichu ateaungchi aleng vui iy, Samuela i mo y lam naimy aeu; naibaly huni kani khengrei, vumtorei, tlang ka-keu naimy aseaungsu bo. (Hini molam y Sawla py amo lawm teang bo a?,” nanai thui achi awm nai ne.)