MIKHA 1:6 - Khumi Common Language Bible

⁶ Hunai deaungkho y Areng my, “Kai ly Samari mary ai daichi theung y mary kaphra kamta, kreip keung ui nai meingtym kamta, lawm hai ai. Kai ly mary kaphrachira i lengseaungchi ai, leaunghawi mang y adi heu vui iy, mary langdeng ai py kapatheaung phro vui ai.

MIKHA 1:6 Iomraidhean Croise

2 SAMUELA 17:13

Ni ly mary harei mang y anaw vui baly, achi bawibawi ly vuinawnchi syn iy mawi saleung i lengseaung harei py by y pa-rei, huni mary i leaunghawi theung mang y ryh pawn ai,” napi.

2 ARENG KEH 18:10

Saneng thomrei bo baly Samari mary jum bo. Huna nai tym nai ly Hezekia i peang nai tariu saneng hawi Hosea i peang nai pa-nyh saneng ne.

2 ARENG KEH 18:9

Israela samrang Hosea i peang nai saryh saneng, samrang Hezekia i peang nai palyh saneng y Asuria empara samrang Shalmaneser ly Israela pri y tiu i, Samari mary ai katanmeuh bo.

2 ARENG KEH 19:25

“Jangni i dengdairei huni bawibawichi ai kaimy pasym yb nai ne, nanai nang, thai vai y nai sai a? Vai py huni atitichi ai kaimy lawm hai bo. Amtangra marychi ai anyn angso pakheng achu naira lawm hai pajau nai sa thai naira, nang teng y kang pei bo.

ISAIA 17:1

Hini leu pei nai ly Damaska mary i vui ne. Areng my, “Damaska mary ly mary khaw jo y leang. Anawi seaungkhrang nai yhm ka-nawichi naini lawm ai.

ISAIA 25:12

Tameuh ly asang parai nai Moba mary apai, amtangrachi ai taphra iy, spryh theung y anawi hai ai.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

JEREMIA 31:5

Nangchi ly Samari mawichi saleung y kreip akhochi sa u teang ai i, huna nai sa nai khumichi ly huni akhochira i theu nai athaichi cha u ai.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

Ezekiela 13:14

Sangum langdengchi amteng seaungkhrang hai ai nai patyp naimy, kai ly amochi my theung kangleung pajui nai apaichi panawi pawn ai. Mary apai anawi nai khala, nangchi ai ang ti iy dei u ai. Huna nai khala kai ly Areng ne, nanai nangchi pany u ai.

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 6:8

Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

HABAKKUK 3:13

Nang ly nangmy i khumichi hawi nangmy i khai takhra nai khumi ai, atleu ai nai jeu kyh ba. Nang ly khumi hawi y nai i lu sa nai ai, taphra vui iy ni i nithun abang naichi ai tama hai chauchau bo.

MATTHAI 24:2

Naibaly mymy ly nichi teng y, “Hunichi bawibawi ly niu u lo-oh? Meitang khyp kang thui pi, panawi y nai lengseaung tleangleang nai ly hi y ha py awm ai ny y,” napi nai pathang.