MIKHA 1:16 - Khumi Common Language Bible

¹⁶ Juda khumichi awi, nangmychi tamen nai cho chanauchi i vui y, nangmychi i sam avau u. Nangchi i cho chanauchi ai, pri takhra mang y langheng y hawi pawn ai nai deaungkho y, nangchi i lu ly langna lu kamta, lu tabiuliu na pa-rei avau u.

MIKHA 1:16 Iomraidhean Croise

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

JEREMIA 16:6

Kamawn kanang patleh y naimy huni pri i khumichi ly dei u ai. Na i py ami py nichi i veu up ai ny y. Nichi i vui py vo tangam u ai ny y. Paleungsi nai ka-ma-ra amymy ai tamo kalem nga hai nai, sam avau nai py sa u ai ny y.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 47:5

Kaza mary i khumichi ly khri pa-rei paleung si vo tangam u bo. Asakelon mary i khumichi py tyn kryh y nai ne. Awm rai nai Philistin khumichi ly mana tanrei kakra vo tangam awm u ai mo?

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

AMOS 7:11

Ati mana thui mo na baly, ‘Jeroboam samrang ly tavai keung y dei ai i, Israela khumichi ly mychi pri i dengdairei, pri takhra mang y patiu vui nai avum ai,’ nanai thui,” napi naichi amti pi bo.

AMOS 7:17

Huna nai thui nai deaungkho y Amaziah awi, Areng my nang ai leu ang pei nai ly ‘Nang i aju ly mary theung y bima lawm ai. Nang i cho chanauchi py tavai keung y dei ai. Nang i peang nai khaileaung ly phy iy khumi takhrachi teng y pei pi vui ai. Nangmy py tameuh by y nai pri hareira y dei ai. Israela khumichi ly mymychi pri i dengdairei, pri pala naira avum u ai’ ” nanai pathang pi bo.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

Leu Thui Nai 28:41

Nangchi ly cho chanauchi sa ai jemjem teu i py, paleung ka-echi my langheng y hawi pawn ai nai deaungkho y, nangchi ly cho chanau by y ai.