MATTHAI 9:2 - Khumi Common Language Bible

² Naibaly khen cham, kamkhyn no nai khumi leaungrei ai ira tleaung y aseaung naimy mymy teng y angjeaung u bo: naibaly Isu ly mymychi i ym nai sai niu i, kamkhyn no nai khumi teng y, “Deang awi! Paleung awmnem naimy awm ba: nang i kamngochi ly pahen bo mang,” napi.

MATTHAI 9:2 Iomraidhean Croise

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

MATTHAI 14:27

Na i py Isu my ly nichi ai preng praw i, “Paleung awmnem naimy awm u; kai teu na a; jei u moh,” napi.

MATTHAI 4:24

Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.

MATTHAI 6:12

Kaichi i tlang tleaung y hawi y sa naichi ai ly kaichi my pahen nai kamta, Kaichi i kamngo py pahen kyh ba.

MATTHAI 8:10

Naibaly Isu ly huni leu thai nai khri pa-rei lyh i abangnaichi teng y ly, “Meitang khyp kang thui pi, Israelachi theung y py hina tanrei ym naira ly kai avum vai y.

MATTHAI 8:16

Naibaly kani dym bo nabaly nichi ly vawinam my nam nai neangneangchi ai mymy teng y hawi: naibaly, mymy kypkyp ly achi i ham y nairachi la iy, achi i no nairachi py pho pi,

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MATTHAI 9:5

‘Nang i kamngochi ly pahen bo mang, napi nai hawi, ‘Angthau ly tako jau, napi nai ly mani thui ai nai rai y keh mo?

MATTHAI 9:6

Ati py ne sy, Khumi i Chapo ly khaileaung pri y kamngo pahen ai nai aly peang naira awm, nanai nangchi pany thai ai nai, (mymy ly kamkhyn no nai khumi teng y ly) Angthau, nang i ira lo ly, nang i yhm y leh teu,” napi.

MARKA 1:32

Naibaly dym mang y kani avah nai khala y ly no naichi bawibawi hawi, vawinam my nam naichi ai py ni teng y hawi u achu.

MARKA 10:49

Naibaly Isu ly angdo paw iy, “Ni ai palau u,” napi. Naibaly mei kamju ai palau u i ni teng y, “Paleung awmnem naimy awm ly, angthau, ang palau ho,” napi.

MARKA 5:34

Naibaly mymy ly ni teng y, “Lo awi, nang i ym naira my nang ai ang hawihai nai bo; awmnem naimy tako ly, nang i no naira ly hawi jo jau sy,” napi.

MARKA 6:50

Na i py mymy ly nichi ai preng praw i, “Paleung awmnem naimy awm u; kai teu na a; jei u moh,” napi.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 21:5

Hunaibaly Isu my nichi teng y, “Bechi awi, atiti cha ai nai awm a?” napi.

AMTAW 14:9

Huni khumi ly Pawla i leu thui nai tangai; naibaly Pawla my ly mymy ai khen jo iy, no hawi ai nai ym naira awm, nanai pany i athorei my, “Nang i kheu y kataw angdo,” napi.

AMTAW 19:12

hunaibaly mymy i tlang i atamui nai kanih mo baichu mo no naichi teng y syn i, nichi i no naira ly lawi bo, mymychi taku theung i dengdairei vawinamchi py theu.

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

ROM AVANGCHI TENG Y PAWLA I CHA PA NAI 5:11

Huni khyh py ny y leang, vai aly naira ang nga hai nai keung achi i Areng Isu Krista i saho y achi ly Tameuh y kawn teang nai ne.

JAKOB 2:18

Ne, naibaly ami my mo, “Nang ly ym naira awm, kai ly atiti sa naira awm: nang i ym naira ly atiti sa naira abawi y naimy kai ai patei ba, naibaly kai i atiti sa naira y ym naira kang patei ai,” napi ai ngaw khyh.