MATTHAI 9:13 - Khumi Common Language Bible

¹³ Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MATTHAI 9:13 Iomraidhean Croise

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

HOSEA 6:6

Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

MATTHAI 12:3

Naibaly mymy ly nichi teng y, “Davida hawi mymy teng y abangnaichi ly kajeu alam nai khala y atiti sa nai ly phain u y nai sai a?

MATTHAI 12:5

Ti y baly Anawn Kani y achura yhm kalen pui i pathyp pi nai keungchi ly anawn Kani taphra iy py, hawi y naira abawi y, nanai nangchi ly Reita y phain u y nai sai a?

MATTHAI 12:7

Na i py, ‘Apathyp naira ngai y naimy pahen naira kangai,’ nanai awm nai sai pany u i khyly, nangchi ly kamngo so y naichi ai parip nai ny y.

MATTHAI 19:4

Naibaly mymy ly, “Nini ai sa nai keung my ly angchei khala i dengdairei neampo hawi neampachy nini ai sa iy,

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?

MATTHAI 3:2

“Uikhei u, kani pri my peang nai ly kasa bo,” napi.

MATTHAI 3:8

Hunaibaly uikhei nai amyn ataing ai nai athai u: ‘Abraham ly kaichi i amsi sangum na a,’

MATTHAI 4:17

Isu ly huni kha i dengdairei, “Uikhei u! Kani pri my peang nai ly kasa bo,” nanai thui pi amteaung bo.

MARKA 12:26

Naibaly kadeichi ai pathau bi ai nai leu ly, Mosi i cha-iu y lymlo kangpho satang tajiu naira y Tameuh my, ‘Kai ly Abraham i Tameuh, Isaka i Tameuh, Jakob i Tameuh ne,’ nanai thui nai ly nangchi phain u y nai sai a?

MARKA 12:33

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

MARKA 2:17

Naibaly Isu ly huna nai thai i nichi teng y, “No by y nai khumichi ly daitang ai aly ngai y, no awm naichi naini aly ngai nai teu; kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

LUKA 10:26

Naibaly mymy ly ni teng y, “Reita y mana tajiu mo? Nang ly mana mana phain mo?” napi.

LUKA 19:10

Khumi i Chapo ly tama naichi ai hau ai nai hawi paheng ai nai py ang jeu nai ne,” nanai thui.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

LUKA 5:31

Naibaly Isu my nichi teng y, “No by y nai khumichi ly daitang aly ngai y, no awm naichi naini aly ngai nai teu.

LUKA 5:32

Khumi kahawichi ai uikhei hai ai nai kang jeu nai ny y leang, khumi kamngochi ai uikhei hai ai nai kang jeu nai teu,” napi.

JOHAN 10:34

Isu my nichi teng y, “Nangchi i Reita y, ‘Nangchi ly tameuhchi na a kang napi,’ nanai tajiu nai ny y a?

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.