MATTHAI 9:11 - Khumi Common Language Bible

¹¹ Naibaly Pharisaichi ly huna nai niu i abangnaichi teng y, “Ati mana nai nangchi i Sara ly akeu cheaung nai keungchi hawi khumi kamngochi teng y cha lawh mo?” napi.

MATTHAI 9:11 Iomraidhean Croise

ISAIA 65:5

Naibaly nichi my, mymychi ly khri pa-rei chai parai, takhra khumichi hawi abi ngau y!, nanai thui iy ami ai py mychi sahawi y ahai ai nai pei y. Kai ly huna nai khumichi ai neaung kham pi pajau y. Nichi i tlang tleaung y tym nai kai i kado theu nai ly dei vai y nai mai hawi atawm.

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

MATTHAI 5:46

Nangchi ai tamen nai keungchi ai harei tamen u khyh baly, kawn nai vang ati nga u ai mo? Akeu cheaung nai keungchi py hunai kamta so teang y a?

MATTHAI 9:10

Naibaly hina nai ne, mymy ly yhm y biu o nai thym khala y khen cham, akeu cheaung nai keungchi hawi khumi kamngo neangneangchi py chei i Isu hawi abangnaichi ai biu o hai mang teang.

MARKA 2:16

Naibaly pharisaichi theung y Reita patiu nai keungchi ly ni ly khumi kamngochi hawi akeu cheaung nai keungchi ai biu o hai nai niu u iy, abangnaichi teng y ly, “Mymy ly akeu cheaung nai keungchi hawi, khumi kamngochi teng y py cha nei lawh ly,” napi.

LUKA 19:7

Naibaly huna nai niu baly nichi bawibawi my, “Khumi kamngo teng y anga ai nai kun bo ho,” nanai josei u.

LUKA 5:30

Naibaly Pharisaichi hawi, nichi i Reita patiu nai keungchi ly abangnaichi i tlang tleaung y jo sei i, “Ati mana nai nangchi ly akeu cheaung nai keungchi hawi, kamngochi teng y nei cha lawh mo?” napi.

AMTAW 11:3

“Nang ly lengkhym takip y naichi teng y lyn iy cha lawh ly,” napi nai preng.

KALATIA 2:15

Achi ly Cheng Takhra khumi kamngochi kamta ny y i, achi ly Juda khumi y tapen angchi yb nai ne;

HEBRAI 5:2

naibaly mymy kypkyp ai ly ham y naira my taki teang nai deaungkho y, ni ly ati sai py pany y nai hawi lam tamang naichi i tlang tleaung y neaung kham thai reng nai ne;

II JOHAN 1:10

Ami py huni patiu nai leu y syn y naimy nangchi teng y ang jeu lawh baly, nangchi i yhm y ango hai moh ly, leu kahawi py pavum u moh;