MATTHAI 8:13 - Khumi Common Language Bible

¹³ Naibaly Isu my tavaimi chungvairei lu teng y ly, “Tako teu, nang i ym nai kamta nang i tlang tleaung y tym sy,” napi. Hunaibaly miseaung ly huni neng kypkyp y hawi ryp bo.

MATTHAI 8:13 Iomraidhean Croise

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

MATTHAI 15:28

Hunaibaly Isu my ni teng y, “Lo awi, nang i ym naira ly khri pa-rei len na ly: nangmy i ngai nai kamta khyp my nang i tlang tleaung y tym sy,” napi nai pathang. Naibaly ni i chaniu ly huni neng khypkhyp kha i dengdairei hawi ryp bo.

MATTHAI 17:20

Naibaly mymy ly nichi teng y, “Nangchi ly ym naira di nai deaungkho y teu. Meitang khyp kang thui pi, nangchi ly anmawi hm amairei kamta ym naira awm baly, hini mawi ka-sang teng y, ‘Hi i nai huni meingtym y asyh,’ napi ai i asyh ryp ai; nangchi i vui so thai y nai sai py awm ai ny y ai.

MATTHAI 8:4

Naibaly Isu ly mymy teng y, “Ami teng y py thui y ai nai amkym me ba; na i py tako ly, pathyp pi nai keung teng y akhen hai, naibaly nichi ai pany hai ai nai Mosi my atiti pei ai nai leu pei nai kamta talam,” napi.

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MARKA 7:29

Naibaly mymy ly ni teng y, “Hini nang i leu thui nai deaungkho y tako teu; vawinam ly nang i chaniu taku theung i dengdairei theu bo,” napi.

MARKA 9:23

Naibaly Isu ly ni teng y, “Nang sa pajau baly e! Ym nai khumi i vui ly ati cheaungkhang sa pajau na a,” napi.

JOHAN 4:50

Isu my ni teng y, “Vawi ali teang teu ba, nang i chapo ly hawi bo mang,” napi. Naibaly huni khumi ly Isu my ni teng y leu thui pi nai ly ym i tako bo.