MATTHAI 7:23 - Khumi Common Language Bible

²³ Naibaly huni khala y ly kai ly nichi teng y, ‘Kang pany kang pacha y leang: nangchi atiti hawi y sa naichi awi, kai teng i nai leh u pawn,’ nanai kanapi ai.

MATTHAI 7:23 Iomraidhean Croise

SAM 119:115

Nangchi kamngo sa nai khumichi awi, kai teng i nai theu u pawn; kai ly kai i Tameuh my pei nai reitachi tangai ai.

SAM 5:5

Paleung len naichi ly nang i mo y kun ai nai ngo y; nang ly khumi hawi y nai bawibawichi ai niu ngai y bo.

SAM 6:8

Nangchi hawi y sa nai khumichi awi, kai teng i nai theu u pawn! Areng ly kai i vo nai raawi thai bo.

MATTHAI 25:12

Na i py mymy ly ‘Meitang khyp kang thui pi, kang pany kang pacha y leang,’ napi nai pathang.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

LUKA 13:27

naibaly ni my ly, ‘Kang thui pi, nangchi ma mang i awm nai mo kang pany kang pacha y leang; kamngo sa nai bawibawichi awi, kai teng i nai leh u pawn,’ nanai ang napi ai.

JOHAN 10:14

Kai ly beram typ nai keung kahawi ne.

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.