MATTHAI 7:15 - Khumi Common Language Bible

¹⁵ “Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

MATTHAI 7:15 Iomraidhean Croise

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

Ezekiela 13:16

Jerusalem mary ly cheaungkhangra y hawi angym nai by y pui naimy, paleung mei y hawi angym naira niu bo, nanai thui u nai amochi ly mary apaichi kamta taphra u veng bo,” nanai nangchi teng y kang thui pi ai! Hini ly sa thai naira angym nai kai Areng i thui nai leu ne.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

DANIELA 11:34

Atiu u nai thym khala, Tameuh i khumichi ly kasabawmra maidenreichy nga u ai. Hinichi mang y abawi nai khumichi theung y nawi keh naichi ly amy i vui hau naichi ne.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

ZEKHARIAH 13:4

Huni neng tym nai khala, mani mo amo py, my i paleung mei y niu nai molam y am-e ai ny y. Amimi py amo i sa nai kamta sa ai ny y; li-tapawp ai nai molam y amo i ateaung py amthyp ai ny y.

MATTHAI 10:17

Na i py khumichi teng y ly amkym u me; nangchi ai tara chih naira y ang pahawi ai i, achura yhm y ang chip ai.

MATTHAI 16:11

Tako satang ly nangchi teng y kang thui pi y leang, nanai ati mana nai pany u y lawh? Pharisaichi hawi Saddukaichi i angbo y naini amkym u,” napi.

MATTHAI 16:6

Naibaly Isu my nichi teng y “Pharisaichi hawi Saddukaichi i angbo y ly tau tleaung y awm u ly, amkym u,” napi.

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 7:14

Heng naira y tym ai nai lam ly amchei i, katheu pa-kho py amchei teang, naibaly niu naichi ly maiden chy khyh.

LUKA 12:15

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

LUKA 6:26

“Khumi bawibawichi my ang palo nai khala y nangchi ly taham si! Hunai kamta nichi i amsi sangumchi ly tapawp nai amochi i tlang tleaung y sa nai ly.

JOHAN 10:12

Tham nai khumi, beram typ nai keung tatang ny y nai ly beramchi mymy i ny y nai deaungkho y, kasui jeu nai khala beramchi ai khai su iy angpreng veng; naibaly kasui ly beramchi ai kei iy ahei hai.

AMTAW 13:40

Hunai deaungkho y amkym u, ti y baly amochi i cha-iu y thui nai ly nangchi i tlang tleaung y tym lawh na;

AMTAW 13:6

Naibaly nichi ly Paphos avang y tym pa-rei tlawn verei amki prei iy, atam kakawp, tapawp nai amo, Juda khumi, amyn bar Isua napi nai ai niu.

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

PHILIPI 3:2

Uichi teng y ly amkym u, atiti kahawi so y naichi teng y ly amkym u, mymychi i ngan taphra naichi teng y py amkym u.

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

II TIMOTHEI 4:3

Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

II PETERA 3:17

Hunaibaly ngai parai naichi awi, nangchi ly huni satang pany rym nai deaungkho y amkym u, hu ti y baly khumi kamngochi i teng y naira y ang pahawi iy khaw u nai thym khala y ly atlym u lawh na.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 16:13

Naibaly naka i labeaung i dengdairei hawi, mawi kasi i labeaung i dengdairei hawi, tapawp nai amo i labeaung i dengdairei py phailo chai y nai thomrei uipho ka-tawm naimy theu nai kaniu;

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.