MATTHAI 6:2 - Khumi Common Language Bible

² Hunaibaly nang ly amichi teng y atiti pei baly khumichi i palo naira nga thai ai nai, tapawp nai khumichi i achura yhm hawi lam y sa reng nai kamta ly nang i mo y baw eng hai reng moh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:2 Iomraidhean Croise

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 37:21

Khumi hawi y nai ly kalai la iy py, pe teang vai y. Na i py khumi kahawi ly paawp y naimy pei reng.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

LEU KACHENG 20:6

Khumi luteng ly amymy ai ka-ym awm, nanai thui u teu i py, meitang khyp, ka-ym awm nai khumi ai hau i, avum thai y lawh ly!

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 58:7

kajeu alam naichi ai pacho panei nai, yhm hlau by y nai khumi kamawnchi ai awm naira pei pi nai, ateaung alang by y naichi ai pei pi iy nangchi i chengchi ai sabawm nai, huna naichi ai akhi y nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

HOSEA 8:1

Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

MATTHAI 15:7

Nangchi tapawp naichi awi, amo Isaia my nangchi i satang thui yb nai ly teng khyp nai bo; mymy ly,

MATTHAI 16:3

Naibaly khawn mang y ly, ‘Vaini ly kani hawi y ai mi, kani saeng theu i khri pa-rei khupanym awm na ly,’ na u lawh. Nangchi ly kani i awm nai sai pany u kawp bo, na i py neng ka-ma-rachi ly pany u kawp y lawh.

MATTHAI 22:18

Na i py Isu ly nichi i kamngo nai sai ly pany iy, “Nangchi tapawp naichi awi, ati mana nai kai ai cham u mo?

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 23:6

naibaly pawi sa naira y tahm asang keh nai meingtym hawi, achura yhm y tahm asang keh nai atehra hawi,

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:3

Na i py nang i atiti pei nai ly kangviu y awm thai ai nai, nang ly amichi teng y atiti pei baly nang i lamtang mang i kiu my sa nai ly langvawi mang i kiu my pany moh sy:

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

MATTHAI 7:5

Tapawp nai khumi awi, nangmy mei i satleang phai lo man veng, hunaibaly ngamjo ngamnau i mei y patho chy awm nai la veng ai nai ly nang chai pyn pa-rei niu ai.

MARKA 12:39

achura yhm y tahm asang keh nai atehra hawi, pawi sa naira y meingtym tahm asang keh nai py ngai parai lawh;

MARKA 7:6

Naibaly mymy ly nichi teng y, “Isaia my nangchi tapawp naichi i satang thui rym nai ly teng khyp, ‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

LUKA 11:43

Nangchi Pharisaichi awi, nangchi ly taham si! Achura yhm y tahm asang keh nai atehra hawi, seng meingtym y chiu nai py nangchi ngai keh lawh nai y.

LUKA 12:33

Nangchi i awm nai ngierei jo u ly, khumi ngarichi teng y pei u; kani pri mang y kangviuchi tym y naira y, thaikem my cho y naira y, tangka yh tangym thai y nai hawi, yhmtheaung tamo pajau y nai py so u.

LUKA 12:56

Tapawp naichi awi, nangchi ly khaileaung pri hawi, kani awm nai sai py hawihai pany kawp be, ati mana nai vai i neng awm nai sai ly pany kawp y lawh a?

LUKA 13:15

Na i py Areng my ly ni teng y, “Tapawp naichi awi, Anawn Kani y amy i sira mo keaungngo kano kasau mo teicha cha naira i nai su iy, tui nei ai nai pahawi u bawi vai y a?

LUKA 20:46

seng meingtym y nichi ai chiu nai hawi, achura yhm y tahm asang keh nai atehra hawi, pawi sa naira y tahm asang keh nai meingtym py ngai parai lawh.

LUKA 6:24

“Na i py khumi kanangchi awi, nangchi ly taham si! Nangchi ly awmnem naira nga bo.

LUKA 6:42

Nangmy i mei y satleang awm nai ly niu y pui naimy ngamjo ngamnau teng y, ‘Amjo amnau awi, nang i mei y patho chy awm nai ly lo pi veng si,’ mana napi thai ai mo? Tapawp nai khumi awi, nangmy mei i satleang phai lo man veng, hunaibaly ngamjo ngamnau i mei y patho chy awm nai la veng ai nai ly chai pyn pa-rei niu ai

JOHAN 13:29

Phyreichi ly Juda tangka sakheu kry nai deaungkho y Isu my, “Pawi i vui atiti aly ngai nai ngierei van ba,” nanai mo, “Khumi kamawnchi teng y atiti pei ai nai avo,” nanai mo, nanai dawn u.

JOHAN 5:41

Khumi i palo nai ly kakawn y leang.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

JOHAN 7:18

Ami py amy i leu paseang iy thui nai ly amy ai apalo naira hau nai teu; pato nai keung ai palo naira hau nai ly huni khumi kypkyp ly meitang ne, mymy teng y ly hawi y naira den py by y.

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

AMTAW 11:29

Hunaibaly abangnaichi leaung leaungrei ly mymy i kamjau ryrei Judai pri y awm nai amjo amnauchi teng y sabawm nai pa ai nai tau;

AMTAW 24:17

“Naibaly saneng kra parai nai bo y ly kai i chengchi teng y atiti pei ai naichi hawi, talam ai naichi syn iy kang tym:

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

ROM AVANGCHI TENG Y PAWLA I CHA PA NAI 12:8

pachei nai keung py hawihai pachei sy; atiti pei nai keung py paawh y naimy pei sy; peang nai keung py angjeng parai naimy peang sy; pahen nai keung py kawn parai naimy pahen sy.

I KORINTH 13:3

Naibaly khumi kamawnchi ai pacho ai nai kai i yhmtheaung bawibawi pei iy, kai i tlang ai py kang ai nai ka-pei iy py, kai ly tamen naira by y pui baly kai i vui ati sai py kamran by y leang.

KALATIA 2:10

Ne mang ly kaini my kamawnchi ai pany jo ai nai harei ngai u khyh i, huni ly kai i sa ai nai tau tatang nai angchi yb nai ne.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

I THESALONIKA 2:6

naibaly kaichi ly Krista i amtaw thau nai ne nai deaungkho y nangchi ai myn pho hai ai nai avo y i py, nangchi teng y py kalangchi teng y py palo naira kang hau y leang bo.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

PHILEMON 1:7

Amjo amnau awi, nangmy i saho y khumi kachai bawibawichi i paleung amcheng veng lawh nai deaungkho y nang i tamen naira y ly amo katheu iy, khri pa-rei kaawm nem lawh veng.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

1 SAMUELA 15:30

Sawla my, “Kai ly kamngo kasa lawh bo; na i py thuitlamsi ly kai i cheng lu sa nai keungchi i mo y py, Israela cheng vereichi i mo y py, kai i tahm awm nai phra hai y naimy, kai ly nang i Areng Tameuh ai chiu pajau ai nai, kai hawi vanrei abang teang kyh ba,” nanai takeng.