MATTHAI 6:10 - Khumi Common Language Bible

¹⁰ Nangmy i peang nai tym sy, Nangmy kangai kani pri y sa nai kamta Khaileaung prichi py so u teang sy.

MATTHAI 6:10 Iomraidhean Croise

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 12:50

“Khen cham, kai i amhm hawi kai i amjo amnauchi ly! Ati mana nai mo nabaly ami py kani pri mang i Ngaai i kangai sa nai ngierei ly kai i amjo amnau hawi, kai i tuicho hawi, kai i amhm py ne,” napi.

MATTHAI 16:28

Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

MATTHAI 26:42

Naibaly pa-nyh chei bi i chiu sa bi iy, “Aw Ngaai awi, hini ly kai nei y nai awm pajau y baly nangmy ngaingai ne sy,” napi.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 4:17

Isu ly huni kha i dengdairei, “Uikhei u! Kani pri my peang nai ly kasa bo,” nanai thui pi amteaung bo.

MATTHAI 7:21

“Kai teng y, ‘Areng, Areng,’ ang napi nai bawibawi ly kani pri y kun ai ny y: kani pri mang i Ngaai i kangai sa nai keung naini kun ai khyh.

MARKA 11:10

Peang naira tym ai nai, achi i ampo Davida i peang nai ly taham hawi; Salo mang i nai ly Tameuh my ni ai amtheaung hai sy,” nanai aeu u.

MARKA 3:35

Ami py Tameuh i kangai sa nai ngierei ly huni kypkyp ly kai i amjo amnau hawi, kai i tuicho hawi, kai i amhm py ne,” napi.

LUKA 19:11

Naibaly nichi ly huni leu tangai nai thym khala y mymy ly Jerusalem y tym kasa nai deaungkho y hawi, nichi ly Tameuh i peang nai ly amteng ryp ai nai ym nai deaungkho y py pata nai leu thui pi tabawi.

LUKA 19:38

“Areng i amyn y jeu nai Samrang ly taham hawi; kani pri mang y aly nai leu tym sy, salo kangteng y ly nang parai nai awm sy,” nanai Tameuh ai palo bo.

LUKA 22:42

kheukhu di iy chiu sa i, “Ngaai, nangmy avo nabaly hini khau ly kai teng i nai tasyh pi kyh ba; na i py kaimy ngaingai ny y naimy, nangmy ngaingai phai ne sy,” napi.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

AMTAW 13:22

Naibaly ni ai tasyh vui nai bo y ly mymychi i vui samrang awm ai nai Davida ai palum; Tameuh my huni leu ly pany hai iy, ‘Davida, Jesai i chapo, kai i paleung kamta apu nai khumi kanga bo, ni ly kai i ngai ngierei sa ai,’ napi.

AMTAW 21:14

Naibaly pipi parawi pajau ai ny y nai bo y, kaichi ly Areng mymy ngaingai ne sy, nanai anawn bo.

AMTAW 22:14

Naibaly ni ly, ‘Achi i amsi sangumchi i Tameuh my mymy i kangai pany ai nai hawi, Khumi Kahawi ai niu ai nai hawi, mymy i labeaung i raawi thai ai nai py nang ai ang khai rym nai bo.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

EPHESI 6:6

khumi ai kawn hai atyhtyh nai kamta salo y khumichi i mei ka-niu y sa nai ny y naimy, Krista i miseaung kamta paleung theung i nai Tameuh i kangai sa u iy,

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

KOLOSA 1:9

Hunai deaungkho y kaichi ly huni satang pany nai kani dengdairei nangchi ly phailo mang i cheng naira hawi, pany thai naira bawibawi i saho y mymy i kangai pany naira kawi u thai ai nai hawi,

I THESALONIKA 4:3

Nangchi ly chai naira nga iy, angai naira anawn u veng nai ly Tameuh i kangai ne he!

I THESALONIKA 5:18

huni ly nangmychi molam y Krista Isu y ly Tameuh i kangai ne khyp veng.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 10:36

Nangchi ly Tameuh i kangai sa nai bo y atiti adeu nai ly nga thai ai nai, kham tanga naira aly ngai u chy bo.

HEBRAI 10:7

Hunaibaly kaimy, ‘Aw Tameuh awi, khen cham, Cha-iu aeang y ly kai i satang tajiu nai kamta ly Nang i kangai sa ai nai kang jeu he,’ kana pi,” napi.

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

I PETERA 2:15

Naibaly ly atiti kahawi sa naira y ly khumi cheng y naichi i pany y nai leu thui nai anawn hai thai ai nai Tameuh i kangai ne khyp.

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 12:10

Naibaly kani pri mang y ly tao pajeng parai naimy, “Vai ly kaichi i Tameuh i atleu naira hawi, sa thai naira hawi, peang naira hawi mymy i Krista i aly peang naira py tym bo; kaichi i amjo amnauchi ai seu nai keung, kaichi i Tameuh i mo y ly vum kanithun seu jojo nai keung ai ly aphi kathiu vui bo.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.