MATTHAI 6:1 - Khumi Common Language Bible

¹ “Nangchi i atiti kahawi sa nai ly khumichi ai khen hai ai nai mymychi i mei ka-niu y so y ai nai amkym u; ti y baly Ngampo kani pri mang y awm nai teng y kawn nai vang ngo u y ai.

MATTHAI 6:1 Iomraidhean Croise

2 ARENG KEH 10:16

kai hawi vanrei abang iy, kai ly Areng i vui manatanrei paleung apei na mo, nanai nang niu ai,” napi. Naibaly nini ly ka-ri atang hawi naimy, Samari mary mang y chei hawi bo.

2 ARENG KEH 10:31

Na i py Jehu ly Israela chengchi i Areng Tameuh i reita leu pei naichi ai paleung hawi verei so y naimy, Israela chengchi ai kamngo sa ai nai lam patei nai Jeroboam i lam y abang nai ne.

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

ZEKHARIAH 13:4

Huni neng tym nai khala, mani mo amo py, my i paleung mei y niu nai molam y am-e ai ny y. Amimi py amo i sa nai kamta sa ai ny y; li-tapawp ai nai molam y amo i ateaung py amthyp ai ny y.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:6

Naibaly Isu my nichi teng y “Pharisaichi hawi Saddukaichi i angbo y ly tau tleaung y awm u ly, amkym u,” napi.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

MATTHAI 5:46

Nangchi ai tamen nai keungchi ai harei tamen u khyh baly, kawn nai vang ati nga u ai mo? Akeu cheaung nai keungchi py hunai kamta so teang y a?

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

MARKA 8:15

Naibaly mymy ly nichi teng y, “Pharisaichi i angbo y hawi Heroda i angbo y py tau tleaung y awm u ly, amkym u”, napi cheng.

LUKA 11:35

Hunaibaly nang theung y awm nai kangvang ly kaveng ne lawh na, nanai amkym u.

LUKA 12:1

Huna nai khumi mipui sang neangneang achiu lengleang na pa-rei achu nai thym khala ly Isu my abangnaichi teng leu thui amteaung i, “Pharisaichi i angbo, tapawp naira y ly amkym u.

LUKA 12:15

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

JOHAN 12:43

ati mana nai mo nabaly nichi ly Tameuh my palo nai tleaung y khumi i palo nai ngai keh.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

AMTAW 3:12

Naibaly Petera ly huna nai niu iy nichi teng y pathang i, “Nangchi Israela khumichi awi, hini ly ati mana nai rengrang napi lawh? kaini i sa thai naira hawi, kaini ly Tameuh ai tahm khai nai khumi ne nai deaungkho y teu kaini my ni ai tako hai thai nai ka-tawm ly ati mana nai kaini ai khen ryry lawh?

KALATIA 6:12

Angam mang i tlang y atiti khen nai ka-pu asa ai ngai nai ngiereichi my ly nangchi ai lengkhym takip hai akhikan reng nai ne; atiti takhra ny y leang, nichi ly Krista i kraws deaungkho y ana naira patang u y ai nai sa nai harei khyh.

Leu Thui Nai 24:13

Ni ly huni baichu amchiu iy i nem pajau ai nai dym tleirei pei pi. Naibaly ni ly nang ai ang kawn ai, nangchi i Areng Tameuh my py kawn ai.

HEBRAI 11:26

naibaly ni ly kawn nai vang nga ai nai angdeang lawh veng nai deaungkho y Krista ai tahm khai y naira ai ly Aikupta pri i yhmtheaung tleaung y ly yhmtheaung nang keh nai palawn lawh.

HEBRAI 2:1

Hunai deaungkho y achi ly achi i kano y thai naichi ly hawihai palai dawn nai tleaung y dawn ra ai nai tla, ti y baly achi ly ajau vui lawh na.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

II JOHAN 1:8

Kaichi i sa nai angchichi ly nangchi tamo y naimy, kawn nai vang kangym nga u thai ai nai hawihai atyp u.