MATTHAI 5:22 - Khumi Common Language Bible

²² Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MATTHAI 5:22 Iomraidhean Croise

ATITI AWM ANGCHEI NAI 37:4

Ampo my Josepha ai nichi tleaung y khrei keh nai y, ni i amjochi ly ni i tlang tleaung y niu ngai y i, leu kahawi py arum hai u vai y.

ATITI AWM ANGCHEI NAI 37:8

Amjochi my, “Nang ly nangmy ai kaichi i tlang tleaung y peang nai keung samrang lawm ai, nanai dawn nai sai a?” napi u. Amjochi ly mymy i amang molam y py, mymy ai niu ngai y tleaung y niu ngai y ra bo.

2 SAMUELA 16:7

Shimei my, “Khumi ai padei nai keung! kamngocho! leh la! leh la!

2 SAMUELA 6:20

Naibaly Davida ly mymy i yhm dengtheungchi ai kawn ai nai yhm mang y vawi nai khala y, Sawla i chaniu Mikhala ly ni ai lamchung ai nai theu. Mikhala my, “Kangji by y nai khumi ka-khum i ateaung alei nai kamta, miteaung kehchi i miseaung neampachychi i mo y, amy i ateaung alei nai Israela samrang ly vaini, phum-ang len parai na ly!” napi.

1 ARENG KEH 21:4

Ahab ly Naboth i leu molam y paleung ka-dawn hawi y; kado theu naimy yhm mang y vawi bo. Ni ly angpang mang y engleng i, ira tleaung y aseaung iy biu py cho y bo.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 19:5

Ni ly Juda pri khaw parai nai mary tleirei y, tara chih nai keungchi khai pi i

NEHEMIA 5:8

“Amymychi ai cheng takhrachi teng y jo vui nai Juda cheng amjo amnauchi ai kamjau ryrei achi my atleu teang chum nai bo y, vai nangchi ly amy amjo amnau tengtawi ka-jo ka-van sa u teang lawh ly!” nanai thui nai khala, lu sa naichi ly tlau teang thai y nai y, leu sairei py katheu u y bo.

SAM 109:3

Nichi ly kai ai atyhtyh naimy tiu iy, kai i hawi y nai satangchi ai amthang hai u bo.

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 35:19

Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.

SAM 37:8

Paleung mawn moh, kado theu moh; paleung mawn nai hawi kado theu nai ly nang ai patangra naini pei ai.

SAM 49:10

Khumi kachengchi py, akhum iy katau by y naichi py, dei nai lam y en vui pajau y, nanai ami mi py pany pajau nai ne. Nichi bawibawi ly mychi i yhmtheaung katuichi ai katu chanauchi i vui khai pi ai tla nai ne.

SAM 69:4

Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

LEU KACHENG 14:16

Khumi kachengchi ly tau awm i, ka-jeira ai en vui reng; na i py khumi hawi y naichi ly dawndan y naimy sa tamangtang reng.

LEU KACHENG 18:6

Leu ka-ei amteaung nai khumi ka-khum ly pakhau nai amteng ai ngai nai khumi ne.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

TANGAM NAI LEU 3:52

“Kai ly niu ngai y ai nai leaungsai ny y pui naimy, paleung ka-echi ly kai ai tavo palawn iy, deaung pateung u.

DANIELA 3:13

Naibaly samrang ly khrikhri pa-rei kado theu nai deaungkho y, huni khumi leaung thomreichi ai mymy teng y, jeu hai ai nai leu pei.

DANIELA 3:19

Naibaly Nebukhadnezar ly my i paleung apatawn pajau y i, Sadraka, Meshaka hawi Abedanekochi i tlang tleaung y, kado theu nai meimai amangrang na bo. Hunaibaly samrang ly mai pui ai, angchei i tleaung y phy saryhrei bi pa-rei, mai kangveaung pareaung ai nai leu pei.

OBADIA 1:10

“Nang ly nangmy i amjo amnauchinapi nai Jakob i katu chanauchi ai lawm iy padei nai deaungkho y, taphra nai avum ai. Deungtasarei kangji nga ai.

OBADIA 1:12

Nang ly Juda pri i nangmy i amjo amnauchi, taham kasi avum nai ai paleung ateng hai ai nai avo y. Nichi phra nai kani y amo theu ai nai avo y. Nichi paleung bi u nai thym khala nang ly amlyh ai nai avo y.

MATTHAI 10:17

Na i py khumichi teng y ly amkym u me; nangchi ai tara chih naira y ang pahawi ai i, achura yhm y ang chip ai.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 18:21

Hunai thym khala y ly Petera chei i mymy teng y, “Areng awi, kai i amjo amnau my kai i tlang tleaung y atiti hawi y nai tleng ma-jirei sa iy kaimy pahen ai nai tla mo? Tlen saryhrei a?” napi.

MATTHAI 18:35

Nangchi leaung leaungrei ly nangchi i paleung y ngamjo ngamnauchi ai hawihai palai pahen y baly kani pri mang i Ngaai my py nangchi i tlang tleaung y hunai kamta ang sa teang ai,” napi.

MATTHAI 23:15

Reita patiu nai keungchi hawi Pharisai tapawp naichi awi, nangchi ly taham si! Khumi leaungrei ai nangchi i reita y pakun ai nai nangchi ly pangli mang py kacheng mang py amki, naibaly mymy ly kun bo nabaly mymy ai nangchi tleaung y ty keh nai ngari angawm i chanau sa hai lawh.

MATTHAI 23:33

Pavuichi awi, pavui i kangpreangchi awi; nangchi ly ngari angawm tara chih nai ly mana tleaung u thai ai mo?

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 26:59

Naibaly Isu ai padei u thai ai nai, pathyp pi nai keung kalenchi hawi tara chih nai keungchi bawibawi ly ni ai ka-chawi y seu ai naira hau u ryry;

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MATTHAI 5:34

Na i py kai ly kang thui pi, vaineng den py abeu u reng moh; kani y tauh iy py abeu u reng moh, huni ly Tameuh i areng atehra ne;

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

MARKA 14:55

Naibaly Isu ai padei u thai ai nai pathyp pi nai keung kalenchi hawi, tara chih nai keungchi bawibawi ly seu ai naira hau u ryry; na i py ngo pajau y.

MARKA 15:1

Naibaly khawn mang y ly pathyp pi nai keung kalenchi hawi, miteaung kehchi hawi, Reita patiu nai keungchi hawi, tara chih nai keungchi bawibawi py arum u i, Isu ai kawm iy pahawi i Pilata teng y au praw ryp.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

LUKA 22:66

Naibaly khutawi bo nabaly mipuichi i miteaung kehchi, pathyp pi nai keung kalenchi hawi Reita patiu nai keungchi py achu; naibaly mymy ai nichi i tara chih nai keungchi teng y pahawi i,

JOHAN 11:47

Hunaibaly pathyp pi nai keung kalenchi hawi Pharisaichi ly tara chih nai keungchi ai palau achu i, “Achi mana sa ai mo?

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

JOHAN 7:20

Naibaly khumi mipuichi my ly, “Nang ai vawinam my nam nai teu:nang ai ami my padei ai nai hau mo?” nanai pathang.

JOHAN 8:48

Judachi my ly, “Nang ly Samari khumi ne; nang ai vawinam my nam bo, nanai kaichi i thui nai ly teng khyp lo-oh?” nanai pathang.

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 22:30

Naibaly khawn mang y Judachi my ati mana nai y Pawla ai seu mo, nanai hawihai pany ai ngai nai, mymy ly ni ai su; naibaly pathyp pi nai keung kalenchi hawi tara chih nai keung bawibawichi achu ai nai leu pei i, Pawla ai pahawi kathiu iy mymychi i mo y angdo hai bo.

AMTAW 23:1

Naibaly Pawla ly tara chih nai keungchi ai khen ryry i, “Amjo amnaichi awi, vaini khrairei Tameuh i mei ka-niu y kai i pany nai ngierei sa naira y paleung kahawi mang y kaawm jo rai,” napi.

AMTAW 24:20

Ti y baly hinichi kypkyp ly tara chih nai keungchi i mo y kai angdo nai thym khala y kai i tamang naira ati awm mo thui u sy;

AMTAW 4:15

Hunaibaly mymychi i tara chih naira i nai nini ai chei hai takhra ai nai leu pei nai bo y ly arum u i,

AMTAW 5:21

Naibaly huni ly nichi thai i khutawi neng khala y achura yhm kalen pui y kun i leu patiu. Na i py pathyp pi nai keung kalen keh hawi, mymy hawi vanrei awm naichi py jeu i, tara chih nai keungchi hawi Israela kangpreangchi i miteaung kehchi bawibawi ai palau achu iy, amtaw thau naichi ai pahawi ai nai theaung y khumi pato.

AMTAW 5:27

Naibaly nichi ai pahawi nai tym baly tara chih nai keungchi i mo y angdo hai i pathyp pi nai keung kalen keh my ly nichi teng y

AMTAW 6:12

Naibaly nichi ly khumichi ai hawi, miteaung kehchi ai hawi, Reita patiu nai keungchi ai py thui thli i, Stephana ai ni iy patiu i tara chih nai keungchi teng y pahawi.

AMTAW 6:15

Naibaly tara chih nai keung ateh naichi bawibawi ly Stephana ai khen ryry i, mymy i meimai ly kani pri i amtaw thau nai i meimai ka-tawm niu u.

AMTAW 7:37

“Huni Mosi kypkyp ly Israela kangpreangchi teng y, ‘Tameuh my nangchi i amjo amnauchi theung i nai kai kamta amo leaungrei ai ang theu hai ai,’ napi nai keung ne.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

I KORINTH 6:6

amjo amnau my amjo amnau ai tara chih naira y tym hai lawh be, ym y naichi i mo y ne vui bi rai.

Leu Thui Nai 15:11

Nangchi theung y khumi mawn avaw nai Israela chengchi awm aninau ai. Hunai y nichi ai paleung ka-dawn kahawi hawimy pei u ai nai kaimy leu kang pei.

Leu Thui Nai 16:18

“Nangchi i Areng Tameuh my pei nai mary tleirei y, tara chih nai keungchi hawi takhra miteaung kehchi khai ai nai tla. Nichi ly meimai khen y naimy, tara chih ai nai tla.

I THESALONIKA 4:6

hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.

TITA 3:2

ami ai thui tamawn y ai nai hawi jo sei y ai nai hawi, neaung kahawi awm ai nai hawi, khumi bawibawichi teng y leu anui naira kangym amteng hai ai nai py nichi ai dawn hai.

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

JAKOB 2:20

Ati sai py ny y nai khumi awi, atiti sa naira abawi y naimy ym naira ly ati sai py ny y leang, nanai pany ai nai ngai a?

JAKOB 3:6

Naibaly palai ly mai ne; achi i tlang kangpreichi theung y hawi y reng naira ly palai ne:huni ly tlang bomrei chai hai y i, khaileaung pri ai kang hai, naibaly ngari angawm ly palai ai kang hai teang.

I PETERA 2:23

ami my mymy ai jo nai thym khala y py mymy ly jo teang y: mymy ly patang nai thym khala y ram y i, hawi parai naimy chih reng nai keung teng y aau lawh:

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I JOHAN 2:9

Amy i amjo amnau ai niu ngai y pui iy, “Kai ly kangvang y awm,” napi lawh nai khumi ly vai khrairei kaveng y awm jo rai.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.

JUDA 1:9

Na i py Mikaila, kani pri i amtaw thau nai salo keh i nai my ly Mosi i veu molam y aei hawi nai thym khala y diabola ai chih pi nai thui tamawn vam y naimy, “Areng my nang ai jo sei sy,” napi alam.

AMTENG HAI NAI 20:14

Naibaly dei naira hawi tavaukho ly mai ang y aphi hawi vui bo. Huni ly pa-nyh dei naira, mai ang napi nai ne.