MATTHAI 5:16 - Khumi Common Language Bible

¹⁶ Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

MATTHAI 5:16 Iomraidhean Croise

THEU NAI 34:35

Huna nai khala Israela chengchi ly ni i meimai angvang nai niu u; hunai deaungkho y ni ly Areng hawi leu arum ai nai Tabynako theung y kun jo nai ryrei, ni i meimai y amymra hawi amym vui nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 23:9

Naibaly nangchi ly khaileaung pri y ami ai py ‘Ngaai’ ti u moh: Ngampo ly leaungrei awm khyh, mymy ly kani pri y awm.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

MATTHAI 9:8

Naibaly khumi mipuichi ly huna nai niu i jei u, naibaly khumichi teng y hunai kamta sa thai naira pei nai keung Tameuh ai palo u bo.

LUKA 11:2

Naibaly ni my ly mymychi teng y, “Nangchi chiu sa khala ly hina nai thui u; Ngaai, nangmy amyn tahm khai nai awm sy; nangmy i peang nai tym sy.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

I KORINTH 14:25

hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

KALATIA 1:24

Naibaly kaimy deaungkho y Tameuh ai palo u bo.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

I TIMOTHEI 2:10

Tameuh ai kadawn ryhryh, napi nai neampachy ly hawi khyp nai ryrei ly atiti kahawi sa naira amthyp i khyly kangai

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

I TIMOTHEI 5:25

Hunai kamta teang, atiti kahawi sa nai ly amteng ryp nai ne, naibaly hunai kamta ny y nai py heu pajau ai ny y.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:4

Na i py achi ai paheng nai Keung Tameuh i neaung hawi nai sai hawi, khumichi i tlang tleaung y my i tamen nai sai py amteng nai khala y ly,

HEBRAI 10:24

naibaly tamen naira y hawi atiti kahawi sa naira y py apachei ai nai dawn u leungtang sina;

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:1

Hunai kamta ly nangchi ajuchi awi, amy i juvochi i ngaingai awm u; hunaibaly nichi theung y ami py leu tangai y teu i py, nangchi i tahm khai nai sai hawi amhi amtlau nai sa kahawi py khen nai,

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.