MATTHAI 5:12 - Khumi Common Language Bible

¹² Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

MATTHAI 5:12 Iomraidhean Croise

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

1 ARENG KEH 18:13

Areng i amochi ai Jezebeli my padei nai thym khala y, kai ly amo leaung chungvaireichi ai kamkawm nyhrei sa iy, kamkawm ha harei y leaung vui pangrei, tapiu theung y kaimy heu vui iy teichachi hawi tui pei pi nai ly nang thai y nai sai a?

1 ARENG KEH 18:4

Areng i amochi ai padei nai thym khala y, Obadia ly amo leaung chungvaireichi ai kamkawm nyhrei sa i, kamkawm harei y leaung vui pangrei, tapiuchira y heu iy teicha teinei hawi tui py pei pi nai ne.)

1 ARENG KEH 19:2

Jezabela ly Elija teng y, “Kai ly khawndam hini neng tym nai khala y amochi ai nang i sa nai kamta nang i tlang tleaung y kaso y lawh baly, tameuhchi my kai ai dei ai nai pa-rei pajeng sy,” nanai khumi pato iy thui hai bo.

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

1 ARENG KEH 22:8

Ahab my, “Takhra amo leaungrei awm rai; ni ly Imala i chapo Mikha ne. Na i py ni ly achi i vui y mana khala py kahawi thui pi vai y; hawi y naichi ai naini avawrei thui pi khyh nai deaungkho y, kai ly ni ai ngai y,” napi. Hunaibaly Jehoshapha my, “Tuni leu ly thui ngau y!,” napi.

2 ARENG KEH 1:9

Naibaly samrang ly tavailu leaungrei ai khumi leaung vuipangrei hawi vanrei Elija teng y pato bo. Tavai lu ly Elija ai mawi saleung hareira y ateh nai niu i ni teng y, “Tameuh i khumi awi, satlo kathiu, samrang my leu ang pei,” napi.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

SAM 19:11

Mymy i miseaung kai teng y huni tara chih nai saichi my pany thai ai nai pei. Kai ly hunichi ai tangai nai ne i, hawi nairachi kanga bo.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

LEU KACHENG 11:18

Khumi hawi y naichi ly meitang khyp, ati sai py hawi naira avum ai ny y; na i py kateng sa reng nai khumichi ly meitang khyp, kawn vang nga u ai.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 26:8

Kai teng y Areng my leu pei nai ngiereichi kathui pi pateang pajau nai hawimy, pathyp pi nai keungchi, amochi hawi khumichi ly kai ai patiu iy, “Nang ly hini leuchi thui nai molam y dei ai nai ataing!

JEREMIA 37:14

Kaimy, “Nang i thui nai kamta ny y! Kai ly preang nai ny y leang,” nanai pathang i py Irijah ly kai i leu tangai y i, kai ai patiu iy samrang i bangtangchi teng y hawi nai ne.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

LUKA 6:23

Huna nai kani y ly kawn u ly, amo theu naimy achaw u; khen cham, kani pri mang y nangchi i kawn nai vang ka-teng ny y nai awm; huna nai kamta teang nichi i amsi sangumchi ly amochi i tlang tleaung y sa reng nai ly.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

AMTAW 16:25

Na i py aneng hyh khala y Pawla nini Sila ly Tameuh teng y chiu py chiu sa, khulym py thui i, theaung tla naichi ly tangai u bo;

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 5:3

Naibaly huni khyh ny y naimy, achi i patang naira y py kawn u sina, patang naira my ly kham pajau naira sa;

I KORINTH 3:8

Naibaly ui nai keung hawi tui lei hai nai keung ly bomrei teu; na i py leaung leaungrei ly amymy i sa akawm nai kamta amymy i kawn nai vang ly nga ai.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

I THESALONIKA 2:15

huni Judachi ly Areng Isu ai hawi amochi ai py padei iy, kaichi ai py ang patheu; nichi ly Tameuh i ka-kawn py so y, khumi bawibawichi ai aawi hai ngang lawh;

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

HEBRAI 11:26

naibaly ni ly kawn nai vang nga ai nai angdeang lawh veng nai deaungkho y Krista ai tahm khai y naira ai ly Aikupta pri i yhmtheaung tleaung y ly yhmtheaung nang keh nai palawn lawh.

HEBRAI 11:33

ym naira deaungkho y nichi ly peang naira takhra takhra ai py pajau iy nga u, atiti kahawi py sa, leu adeu nairachi py nga, khrangsi takai i labeaung py pakhym hai,

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

JAKOB 5:10

Amjo amnauchi awi, Areng i amyn y leu thui nai amochi i patang nai sai hawi, kham pajau nai sai ly dawn pata u.

I PETERA 4:13

huni ny y naimy nangchi ly Krista i patang naira y patang ahawi nai keungchi lawn nai deaungkho y kawn u: hunaibaly mymy i nang parai naira amteng nai khala y nangchi ly amo theu parai naimy kawn u teang thai ai.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.