MATTHAI 5:11 - Khumi Common Language Bible

¹¹ “Amichi my kai i molam y nangchi ai ang jo iy ana nai, ka-chawi cheaungkhangra y ang seu nai khala y ly nangchi taham hawi ai.

MATTHAI 5:11 Iomraidhean Croise

SAM 35:11

Khumi hawi y naichi ly kai tamang vai y nai kamngochi hawi kai ai ang neng hai bo.

SAM 44:22

Na i py nang ai ka-ym awm nai molam y, kaichi ly avawrei deira hawi ka-vum u nai ne. Tleh ai khai yb nai beramchi kamta, khumi takhrachi my athang khai naira avum u bo.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

JEREMIA 37:14

Kaimy, “Nang i thui nai kamta ny y! Kai ly preang nai ny y leang,” nanai pathang i py Irijah ly kai i leu tangai y i, kai ai patiu iy samrang i bangtangchi teng y hawi nai ne.

MATTHAI 10:18

Ne, mymychi hawi Cheng Takhrachi ai pany hai ai naira lawn ai nai, kaimy deaungkho y nangchi ai miteaung kehchi hawi samrangchi i mo y ang hawi ai.

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MATTHAI 10:39

Ami my amy ka-tleaung hengra hau nai khumi ly tama ai, kai i vui y amy i hengra tama nai khumi ly hengra nga ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 24:9

“Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

MATTHAI 27:39

Naibaly aleaung nai khumichi my ly lu thiu hai iy,

MARKA 13:13

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MARKA 13:9

Hunichi ly patang angchei nai ne. Na i py tau tleaung y awm u; nichi ai pany hai ai naira lawn ai nai nangchi ly kaimy deaungkho y miteaung kechi hawi samrangchi i mo y angdo ai.

MARKA 4:17

na i py mymychi kypkyp teng y tangjyn den py ngo y i, tanarei chy awm khyh: hunai bo y ly huni leu deaungkho y patang naira mo, ana naira mo tym baly, nichi ly atlym praw ryp.

MARKA 8:35

Ati mana nai mo nabaly ami py amy i hengra apalawi ai nai ngai nai ngierei ly tama ai: ami py kaimy hawi Satang Kahawi deaungkho y amy i hengra tama nai ngierei ly apalawi ai.

LUKA 21:12

Na i py huni atiti bawibawi tym y rai khala y nangchi ai ang patiu ai i, achura yhm y hawi, theaung y py ang hawi ai, kaimy i amyn deaungkho y samrangchi hawi miteaung kehchi i mo y ang hawi ai.

LUKA 21:17

Kaimy i amyn deaungkho y khumi bawibawichi my nangchi ai niu ngai y ai.

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

LUKA 9:24

Ami py amy i hengra apalawi ai nai ngai nai ngierei ly tama ai; ami py kaimy deaungkho y amy i hengra tama nai ngierei ly, huni khumi kypkyp ly apalawi ai.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

JOHAN 9:28

Naibaly mymychi ly ni ai jo i, “Nang ly mymy teng y abang nai ne, kaichi ly Mosi teng y abangnaichi ne na a.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

ROM AVANGCHI TENG Y PAWLA I CHA PA NAI 8:36

“Nangmy deaungkho kaichi ai ly kani khengrei ang padei, Kaichi ai ly beram tleh ai naichi kamta ang dawn nai ne,” nanai tajiu nai kamta.

I KORINTH 4:10

Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

II KORINTH 4:11

Isu i heng naira py achi i dei thai nai tlang y amteng thai ai nai, achi vai heng naichi ly Isu deaungkho y dei ai naira y patiu hai nai awm jojo.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

I PETERA 2:23

ami my mymy ai jo nai thym khala y py mymy ly jo teang y: mymy ly patang nai thym khala y ram y i, hawi parai naimy chih reng nai keung teng y aau lawh:

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.

AMTENG HAI NAI 2:3

naibaly nang ly kham tanga naimy awm i, kai i amyn deaungkho y kham pajau iy paha py paha y leang bo.