MATTHAI 5:10 - Khumi Common Language Bible

¹⁰ “Hawi nai deaungko y ana nai patang chum naichi ly taham hawi: kani pri ly nichi i ne.

MATTHAI 5:10 Iomraidhean Croise

SAM 37:12

Khumi hawi y nai ly khumi kahawi ai, hawi y nai ka-dawn ly niu ngai y nai paleung hawi khen aliki reng nai ne.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

MATTHAI 10:23

Hunaibaly avang harei y nangchi ai ana baly meingtym takhra y preang u veng; meitang khyp kang thui pi, Khumi i Chapo tym y rai kha y nangchi ly Israelachi i avang tleirei y amki pajau ai ny y.

MATTHAI 19:14

Na i py Isu my ly, “Deaungdi chychi ai kai teng y jeu ai nai pei u ly, paka u reng moh: kani pri my peang naira ly hina naichi i vui teu,” napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 5:3

“Paleung apanem naichi ly taham hawi: kani pri ly mymychi i ne.

MARKA 10:14

Na i py Isu my ly huna nai niu iy khri pa-rei paleung hawi y i abangnaichi teng y, “Deaungdi chychi ai kai teng y jeu ai nai pei u, paka u reng moh: Tameuh i peang naira ly hina naichi i vui teu.

MARKA 10:30

vai heng nai sala y my py ana naira hawi vanrei yhm py, amjo amnauchi py, tuichochi py, amhmchipy, chanauchi py, hlau py meingtym harei y meingtym chungvairei peung y ai nai leaung py by y i, neng tym ai nai khala y deungtasarei hengra py nga bi ai.

LUKA 21:12

Na i py huni atiti bawibawi tym y rai khala y nangchi ai ang patiu ai i, achura yhm y hawi, theaung y py ang hawi ai, kaimy i amyn deaungkho y samrangchi hawi miteaung kehchi i mo y ang hawi ai.

LUKA 22:29

hunaibaly kai i peang naira y kai i sabawi y nangchi cha nei thai ai nai,

LUKA 6:20

Naibaly angdeang i abangnaichi ai khen iy, “Khumi kamawnchi awi, nangchi ly taham hawi; Tameuh i peang naira ly nangmychi i ne.

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 15:20

Miseaung ly yhmkeung tleaung y len y leang, nanai leu kang thui pi nai ly dawn u. Nichi my kai ai ana baly nangchi ai py ana teang ai; nichi ly kai i leu tangai baly nangchi i leu py tangai teang ai.

AMTAW 5:40

Naibaly mymy i thui nai ly teng napi bo; hunaibaly nichi ly amtaw thau naichi ai palau iy tabeang i, Isu i amyn y den py leu thui y ai nai leu pei kheng iy patheu bo.

AMTAW 8:1

Naibaly huni kani ly Jerusalem i awm nai palau takhra kamkawmchi ai khri pa-rei ana ai nai amteaung bo; hunaibaly amtaw thau naichi ny y baly nichi ly Judai pri hawi Samari pri meingtym tleirei y ahei bebe bo.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

PHILIPI 1:28

huni ly mymychi i vui tama ai naira ne, nanai hawi, nangchi i vui naini heng ai naira ne, nanai py pany hai naira chai pyn nai ne lawh veng, huni py Tameuh teng i nai ne.

II TIMOTHEI 2:12

Achi ly kham baly, Achi ly mymy hawi vanrei peang ai; Achi ly mymy ai apha baly Mymy py achi ai apha teang ai;

II TIMOTHEI 3:11

Antiokei avang y hawi Ikonion avang y hawi Lustra avang y py kai i tlang tleaung y atiti tym nai sai hawi, ana nai kai i patang naichi py nang ly hawihai palai pany; huni bawibawi y ly Areng my kai ai ang palawi nai bo.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.