MATTHAI 4:9 - Khumi Common Language Bible

⁹ naibaly mymy ly ni teng y, “Nang ly ambeu iy kai ai chiu baly hini bawibawi ly kang pei bebe ai,” napi.

MATTHAI 4:9 Iomraidhean Croise

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

LEU KACHENG 8:15

Kai ly samrangchi ai pri peang thai ai nai py, peang nai keungchi ai peang nai reita kahawichi, khai pi yb ai nai py sabawm nai ne.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

MATTHAI 26:15

“Mymy ai ly kaimy kang patiu hai ai nai majirei pei ai nai ngai mo?” napi. Naibaly nichi my ly tangka phairei vang pei.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 16:11

khaileaung pri i areng ai ly pasum veng nai deaungkho y tara chih naira y pasum ai.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

I TIMOTHEI 3:6

ym nai khumi kangtha ly avo y, ti y baly am-e ai i, diabola i sum naira y tym teang lawh na.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.