MATTHAI 4:4 - Khumi Common Language Bible

⁴ Na i py mymy ly, “Khumi ly tako harei khyh naira y ly heng y leang, Tameuh i labeaung y theu nai leu cheaungkhang y heng ai khyh,” nanai tajiu nai awm,” nanai pathang.

MATTHAI 4:4 Iomraidhean Croise

THEU NAI 16:15

Israela chengchi ly huni ai niu nai khala, nichi ly pany vai y, niu py niu vai y i, “Hini ly ati kha?” nanai adeng u leungtang. Naibaly Mosi my nichi teng y, “Hini ly nangchi cha ai nai Areng my pei nai tako ne.

THEU NAI 16:35

Israela chengchi ly nichi khuteng sa u ai nai Kanan pri y tym nai ryrei, manna tako ai saneng vui palyhrei cha u nai ne.

THEU NAI 16:8

Mosi my thui pi bi nai ly “Areng ly nangchi i josei nai raawi thai nai deaungkho y, nangchi dym mang cha ai nai mawi hawi khawn mang cha ai nai ngai nai ryrei tako ang pei ai. Nangchi ly kaini ai josei u nai ly Areng ai josei tatang nai ne,” napi.

THEU NAI 23:15

Tako angbo abawi y nai pawi sa ai nai tla. Kaimy leu pei nai kamta Aikupta pri i dengdairei theu nai Abiba lo y kani saryhrei angbo abawi y nai tako cha ai nai tla. Ami py katalamra syn y naimy, kai teng y ahi hawi iy chiu ai nai so moh.

MATTHAI 15:11

“Tangai u ly, dawn pany u; labeaung y kun nai ly khumi ai chai hai y nai ny y leang, leabeaung i nai theu nai ly huni kypkyp my khumi ai chai hai y nai ne,” napi.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

MATTHAI 4:7

Isu my mymy teng y, “Nang i Areng Tameuh ai ly cham moh, nanai tajiu nai awm teang,” napi.

MARKA 7:20

Naibaly mymy my teang, “Khumi i taku theung i dengdairei theu nai ly huni kypkyp my ly khumi ai chai hai y reng nai ne.

LUKA 4:12

Isu my ni teng y, “Nang i Areng Tameuh ai ly cham moh,’ nanai awm na a,” nanai pathang bi.

LUKA 4:4

Naibaly Isu my ni teng y, “Khumi ly tako harei khyh naira y ly heng y leang,’ nanai tajiu nai awm,” nanai pathang.

LUKA 4:8

Naibaly Isu my ni teng y, “Nang i Areng Tameuh ai phai chiu ly, mymy i kalop harei phai so khyh, ‘nanai tajiu nai awm,’” nanai pathang bi.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

EPHESI 6:17

Naibaly heng naira lukhym lo u ly, Phailo i haisau py lo u,

Leu Thui Nai 8:3

Mymy ly nangchi ai kajeu kanglam ang khai. Naibaly nangchi hawi nangchi i amsi pajochi cho vai y nai Manna tako ang pacho. Huna nai molam y khumi ly teicha cha naira y heng nai ny y leang, Areng i leu y naini heng ai khyh, nanai nangchi ai kang thui pi nai ne.