MATTHAI 4:24 - Khumi Common Language Bible

²⁴ Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.

MATTHAI 4:24 Iomraidhean Croise

2 SAMUELA 8:6

Naibaly samrang ly huni khumichi i khu ka-peang theung y tavai tairachi sa nai deaungkho y, nichi ly samrang i peang nai anui y awm i, kahm pei u. Areng my Davida i chei naira tleirei y eaung hai bo.

1 ARENG KEH 10:1

Sheba pri i samrangnu ly Solomon i amyn amthang nai sai thai i, rai parai nai leuchi hawi samrang ai cham ai nai Jerusalem mary y jeu bo.

1 ARENG KEH 4:31

Ni ly Ezarahi cheng Ethan tleaung y py, Mahola i chapochi napi nai Heman, Kalkola hawi Daradachi tleaung y py cheng keh. Ni ly khumi bawibawichi theung y cheng keh nai ne. Ni i cheng nai satang ly pri deaungpa tleirei y amthang bo.

1 NENG SATANG 14:17

Davida i amyn ly meingtym tleirei y amthang. Samrang ai khumi cheng cheaungkhangchi my jei hyn ai nai Areng my sa pi nai ne.

1 NENG SATANG 29:2

Kai ly Achura yhm sa ai nai vawnsaichi muku, tangka, kheupaja, tamo, dengkeaung, vang kateng lengseaung, vang kateng lengseaung hawi mawi sa naichi hawi, leungtau kangleung neangneangchi angveirym ai nai khri pa-rei atho kasa nai ne.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

MATTHAI 12:22

Naibaly hunai thym khala y ly mei kamju leu katheu thai y nai, vawinam my nam nai leaungrei ai mymy teng y pahawi u i, mymy ly ni ai hawi sa pi: naibaly leu katheu thai y nai khumi ly leu katheu thai i, niu py niu thai bo.

MATTHAI 14:1

Huni neng khala y ly samrang Heroda ly Isu i satang thai iy mymy i miseaungchi teng y,

MATTHAI 15:22

Naibaly khen cham, huni tengtang i dengdairei Kanan pri i neampachy leaungrei theu i, “Aw Areng, Davida i Chapo awi, kai ai pahen kyh; kai i chaniu ai vawinam my nam thleng bo,” nanai aeu bo.

MATTHAI 17:15

“Areng awi, kai i chapo ai pahen kyh, mymy ly pathu i khrikhri pa-rei patang na; mymy ly tui y py mai y py neangneang atlym nai bo.

MATTHAI 17:18

Naibaly Isu my ni ai jo i, vawinam ly ni i taku theung i nai theu iy, deaungdi ly huni neng khypkhyp y hawi ryp bo.

MATTHAI 4:23

Naibaly Isu ly Judachi i achura yhm takhra takhra y leu patiu i Tameuh i peang nai Satang Kahawi thui pi iy, khumichi theung y no nai cheaungkhang man nai hawi, ham y naira cheaungkhang hawi sa pi nai Kalili pri bawibawi amki prei bo.

MATTHAI 8:28

Naibaly mymy ly ho mang vai y kadarin khumichi i pri y tym iy, vawinam my nam nai leaung nyhrei ly tapreaung i dengdairei theu naimy mymy hawi avum: nini ly khri pa-rei si na, naibaly ami py huni lam y tako pajau y.

MATTHAI 8:33

Naibaly khawn nai keungchi ly angpreng i avang y chei u iy ati cheaungkhang thui pi, vawinam my nam nai nini i tlang tleaung y atiti tym nai py thui pi teang.

MATTHAI 8:6

“Aw Areng! Kai i miseaung ly kamkhyn no nai yhm y jawn jo, khri pa-rei patang na,” napi nai takeng.

MATTHAI 9:26

Naibaly huni satang ly huni pri verei y amthang bo.

MATTHAI 9:35

Naibaly Isu ly nichi i achura yhm y leu patiu nai, Tameuh my peang nai Satang Kahawi thui pi iy, ham y naira cheaungkhang hawi, no nai cheaungkhangchi ai hawi sa pi nai, avang kalen y py avang katheang y py amki be bo.

MARKA 1:28

Naibaly mymy i satang ly Kalili pri tengtang bawibawi y amthang praw.

MARKA 1:32

Naibaly dym mang y kani avah nai khala y ly no naichi bawibawi hawi, vawinam my nam naichi ai py ni teng y hawi u achu.

MARKA 2:3

Naibaly kamkhym no nai khumi leaungrei ai leaung palyheichi my angjeaung nai mymy teng y tym hai.

MARKA 2:4

Naibaly khumi neangneang awm nai deaungkho y mymy i ahawi y chei u thai y i, mymy i awmra yhm amphu kheaung lawp iy kho sa u; naibaly amkhyn nai khumi ira hawi verei pala kathiu.

MARKA 2:9

Kamkhyn no nai khumi teng y ly, ‘Nang i kamngochi ly pahen bo mang,’ napi nai hawi, ‘Angthau ly, nang i ira lo ly, tako jau,’ napi nai ly mani thui ai nai rai y keh mo?

LUKA 2:2

Huni ly Suri pri y Khurini ly aripeng y awm nai khala i amyn tajiu angchei nai ne.

LUKA 4:14

Naibaly Isu ly Phailo i sa thai naira apu iy Kalili pri y vawi ali teang: naibaly ni i satang ly huni pri tengrang meingtym tleirei y amthang.

LUKA 4:38

Naibaly mymy ly angthau iy achura yhm i dengdairei theu i Simon i yhm y kun. Naibaly Simon i ampi ly khrikhri pa-rei keaung no na i, mymy teng y ni i vui takeng pi.

LUKA 5:15

Na i py ni i satang ly amthang tleaung y amthang ra; ni i leu tangai ai nai hawi, nichi i no hawi sa pi ai nai khumi mipui ka-teng ny y nai achu.

LUKA 5:24

Ati py ne sy khaileaung pri y ly Khumi i Chapo ly kamngo pahen ai nai aly peang naira awm, nanai nangchi pany ai nai (kamkhyn no nai teng y ly) “Angthau ly, nang i ira la iy nang i yhm y leh teu, kang napi,” napi.

LUKA 7:17

Naibaly huni mymy i satang ly Judai pri verei y hawi, huni tengtang meingtym tleirei y py amthang.

JOHAN 10:21

Kalangchi ly, “Hini ly vawinam my nam nai i leu thui nai ny y leang. Vawinam ly mei kamju ai angvang hai thai ai a?” napi.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 15:23

Naibaly hina nai kamta myni i kiu y pa i, “Amtaw thau naichi hawi amjo amnauchi theung y miteaung kehchi ly Antiokei avang i hawi Suria pri hawi Kiliki pri i Cheng Takhra amjo amnauchi ai ang kawn ba.

AMTAW 15:41

Naibaly mymy ly palau takhra kamkawmchi ai ly khaw hai prei iy Suria hawi Kiliki pri ly hi be bo.

AMTAW 28:9

Huna nai sa pajau iy huni tlawn i khumi takhra no awm nai ngiereichi ly jeu u i, nichi ai py hawi sa pi bawibawi bo;

AMTAW 8:7

Ati mana nai mo nabaly khumi neangneang ai nam naichi i taku theung i dengdairei vawinamchi ly athorei my aeu i theu bo; kamkhyn hawi kheu kambai neangneangchi py hawi pawn veng bo;

JOSUA 6:27

Areng ly Josua hawi vanrei awm nai deaungkho y, ni i amyn ly pri verei y amthang nai ne.