MATTHAI 3:16 - Khumi Common Language Bible

¹⁶ Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

MATTHAI 3:16 Iomraidhean Croise

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

Ezekiela 1:1

Phairei saneng, palyh lo, lo si kani pangrei kani y, Buzi i chapo, Pathyp pi nai keung ne nai kai ly pri pala naira avum nai Juda chengchi hawi vanrei, Babulon pri Kheba tavo sahawi y awm nai khala, kani pa-kho am-eaung i, Tameuh my kai ai paleung mei y niu hai nai kaniu bo.

MARKA 1:10

Hunaibaly mymy ly tui i nai theu praw iy, tlenrei khyh my kani am-eaung i, Phailo ly buhu ka-tawm mymy i tlang tleaung y kathiu nai niu.

JOHAN 1:51

Naibaly Isu my ni teng y, “Meitang khypkhyp kang thui pi, kani am-eaung iy Tameuh i kani pri i amtaw thau naichi Khumi i Chapo i tlang tleaung y kathui kalau nai py niu u ai,” napi.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 1:22

hini achi i amkawm reng naichi theung i khumi leaungrei ly kaichi hawi vanrei mymy i angthau bi nai pany hai ai nai keung lawn ai nai tla,” napi.

AMTAW 7:56

naibaly “Khen cham, kai ly kani am-eaung nai niu i, Tameuh i lamtang mang y Khumi i Chapo angdo nai py kaniu,” napi.

I JOHAN 5:6

Tui hawi thi hawi ang jeu nai ly hini Isu Krista ne he; tui hawi harei khyh ny y leang, tui hawi thi hawi py ne.