MATTHAI 3:11 - Khumi Common Language Bible

¹¹ “Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

MATTHAI 3:11 Iomraidhean Croise

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

MARKA 1:4

Johan, daichi ka-vym y baptis sa nai keung ly, kamngo pahen naira nga ai nai uikhei nai baptisma leu thui nai theu bo.

LUKA 1:17

Naibaly ampochi i paleung ly chanauchi mang y ali hai ai nai hawi, leu tangai y naichi ai khumi kahawichi i cheng naira mang y ali hai ai nai py, Areng i vui y amcheang yb nai khumichi ai angvei hai rym ai nai, Elija i paleung hawi sa thai naira apu naimy Areng i mo y tako ai,” napi.

LUKA 3:16

“Kai ly nangchi ai tui hawi baptis kang sa nai teu; na i py kai tleaung y len keh nai leaungrei ang jeu ai, kai ly ni i phainai vui su ai nai py ataing y leang: ni my ly Phailo Kachai hawi mai hawi baptis ang sa pi ai mang.

LUKA 3:3

Naibaly mymy ly Jordan tavo peang meingtym tleirei y chei iy, kamngo pahen naira nga ai nai uikhei nai baptisma leu thui prei;

JOHAN 1:15

Johan ly ni i satang pany hai i, “Kai bo y tym nai ly kai ai katlen veng bo, ni ly kai i mo y awm angchi nai deaungkho y na a,’ nanai ni i satang kai thui nai ly mymy ne he,” nanai aeu.

JOHAN 1:30

Khumi leaungrei kai bo y tym nai ly, kai i mo y awm angchi nai deaungkho y kai ai katlen veng bo,’ nanai kai i thui nai ly huni ne ho.

AMTAW 1:5

Johan ly tui y baptis sa reng, na i py kani kra y nai sala y nangchi ly Phailo Kachai y baptisma nga u ai,” napi.

AMTAW 19:4

Nichi my ly “Johan i baptisma y,” napi. Naibaly Pawla my ly, “Johan ly khumichi teng y, ‘Kai i nithun jeu ai nai keung Isu ai ly nangchi ym ai nai tla,” nanai uikhei nai baptisma y baptis sa na a,” napi.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.

AMTAW 8:38

Naibaly ka-ri ai ly anawn hai iy nini leaung nyhrei, Philipa hawi tli chum nai khumi ly tui y satla hawi, naibaly mymy ly ni ai baptis sa bo.

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.