MATTHAI 26:7 - Khumi Common Language Bible

⁷ neampachy leaungrei ly dengjai adym kangleung y rimui vang tang parai nai syn nai mymy teng y chei i, mymy ly biu o nai thym khala y ni i lu y lei.

MATTHAI 26:7 Iomraidhean Croise

2 ARENG KEH 9:1

Hina nai thym khala y amo Elisa ly amo thawndeang leaungrei ai palau i ni teng y, “Nang ly Kilead pri Ramoth mary mang y chei ai nai angveirym ba. Hini olive asitui py syn jo.

SAM 133:2

Hunai kamta awm nai ly Aron i lu dengdairei ni i labeaung mui hawi, baichu kangjiu kaneaung y khrairei leaung na nai, vang kateng tahm palyn nai asitui kamta ne.

Parip nai leu 10:1

Rimui hangra y pathau veu tla nai deaungkho y rimui hang ai kaveaung mui hai nai kamta, maidenreichy akhum nai ly khri pa-rei tau cheng naira ai phra hai pajau.

Parip nai leu 9:8

Nang ly avawrei amo theu nai mo amteng ba.

Solomon i khulym 1:3

Nang i amthym nai rimui ly mui hawi parai; nang i amyn my ly huni rimui ai pany hai teang bo. Mani neampachy py, nang ai khrei y nai awm pajau y leang.

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

MATTHAI 26:8

Na i py abangnaichi ly huna nai niu kha paleung hawi y i, “Ati mana ai nai hina nai pasum atyhtyh mo?

MARKA 14:3

Naibaly mymy ly Bethani avang i keaungsi kaawm Simon i yhm y awm iy, biu o nai thym khala y neampachy leaungrei ly dengjai adym kangleung y spiknard rimui vang tang parai nai syn nai tym i, adym pakawi rawp iy mymy i lu y lei.

LUKA 7:46

Nang ly kai i lu y rimui py paju y: na i py mymy ly kai i kheu y rimui paju.