MATTHAI 24:9 - Khumi Common Language Bible

⁹ “Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

MATTHAI 24:9 Iomraidhean Croise

LEU KACHENG 29:27

Khumi kahawi ly khumi hawi y nai ai niu ngai y. Naibaly khumi hawi y naimy py, khumi kahawi ai niu ngai y teang nai ne.

DANIELA 11:33

Mipuichi ai lu sa nai khumi kachengchi ly mipuichi ai pahawi iy lam patei pi ai. Na i py neng kra kyh nai khala y, nichi theung i khumi phyreichi ly tavai keung y dei iy, phyrei ly mai tamang y veang nai avum u ai. Phyrei khumichi ly lawm nai hawi theaung y paeung nai avum u ai.

MATTHAI 22:6

khumi takhrachi my ly mymy i miseaungchi ai patiu iy angji ngailai pa-rei my sa i padei u bo.

MATTHAI 23:34

Khen cham, huni deaungkho y chy bo, kai ly nangchi teng y amochi, khumi kachengchi, Reita patiu nai keungchi ai kang pato ai; nangchi ly phyreichi ai padei u ai i kraws tleaung y tahen u ai; phyreichi ai ly nangchi i achura yhm y chip u i, avang tleirei y hui iy ana u ai;

LUKA 11:49

Hunai deaungkho y Tameuh i chengra my py ‘Nichi teng y amochi hawi amtaw thau naichi ai kapato ai i, phyreichi ai ly padei ai, phyreichi ai ly ana ai;

LUKA 21:12

Na i py huni atiti bawibawi tym y rai khala y nangchi ai ang patiu ai i, achura yhm y hawi, theaung y py ang hawi ai, kaimy i amyn deaungkho y samrangchi hawi miteaung kehchi i mo y ang hawi ai.

JOHAN 15:18

“Khaileaung prichi my nangchi ai niu ngai y baly, nangchi ai niu ngai y rai khala y my kai ai niu ngai y nai bo, nanai nangchi pany.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

AMTAW 28:22

Na i py hini kamkawm ai ly meingtym tleirei my cheh lawh veng, nanai kaichi pany i, nang ly mana dawn mo, nanai kaichi pany ai nai ngai he,” napi.

AMTAW 7:59

Hunaibaly Stephana ly, “Areng Isu awi, kai i phailo lo ba,” nanai palau nai thym khala y ly nichi ly lengseaung y aphi tliu siu na.

I PETERA 4:16

na i py Kristian ne nai deaungkho y patang nai ne baly, kaji moh sy; huni i amyn deaungkho y Tameuh ai phai palo sy.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.