MATTHAI 23:9 - Khumi Common Language Bible

⁹ Naibaly nangchi ly khaileaung pri y ami ai py ‘Ngaai’ ti u moh: Ngampo ly leaungrei awm khyh, mymy ly kani pri y awm.

MATTHAI 23:9 Iomraidhean Croise

2 ARENG KEH 13:14

Amo Elisa ly khri pa-rei no nai ne. Ni ly ira tleaung y aseaung naimy dei enten nai thym khala, Israela samrang Jehoasa ly ni ai no de ai nai tym i, “Kai i ngaai, kai i ngaai! Nang ly khri pa-rei len parai nai atho haiho hawi, Israela pri y ama hai nai keung ne na a!,” nanai thui i vo bo.

2 ARENG KEH 2:12

Elisa ly huna nai nui i Elija teng y, “Aw kai i ngaai, aw kai i ngaai! sa thai naira len parai iy, Israela chengchi ai ama hai nai keung awi! nang ly tako vui lawh bo ly!” nanai aeu bo. Naibaly ni ly Elija ai niu ali bi y leang bo. Elisa ly paleung si parai nai deaungkho y my i ateaung seih nyhrei sei vui na.

2 ARENG KEH 6:21

Israela samrang ly Suria khumichi ai niu nai khala Elisa teng y, “Areng awi, nichi ai kaimy padei ai a? Nichi ai kaimy padei ai a?” nanai deng.

MALAKHI 1:6

Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MATTHAI 23:10

Pahawi nai keungchi ang palau nai py amteng u moh: nangchi ai ang pahawi nai keung ly leaungrei awm khyh, huni ly Krista ne.

MATTHAI 6:32

nanai paleung bi u moh. Cheng Takhrachi ly hunichi bawibawi hau nai ne. Hunichi bawibawi ly nangchi aly aeang, nanai Ngampo kani pri mang y awm nai my ly ang pany pi yb nai bo.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

AMTAW 22:1

“Amjo amnauchi hawi ngaaichi awi, vai nangchi teng y kai i eaung nai leu kang thui pi ai i tangai u ba,” napi.

I KORINTH 4:15

Nangchi ly Krista y patiu nai keungchi kati pajau y pa-rei awm iy py, nangchi ly ampo neangneang by y leang; kaimy Krista Isu y Satang Kahawi saho y kang tapen nai teu.

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

HEBRAI 12:9

Huni harei khyh ny y i, achi ai ang parip ai nai achi i tlang mang i ampochi awm chy bo; achi ly nichi ai malawn py tahm khai y baly, heng naira nga ai nai mana tanrei phailochi i Ampo i ngai nai awm ai nai tla mo?

I JOHAN 3:1

Khen cham achi ai Ampo my ang tamen nai ly mana tanrei na mo! Tameuh i chanauchi y ang pathi vui na ly: achi ly huni kamta ne khyp; khaileung pri my ly mymy ai pany y nai deaungho y achi ai py pany y.