MATTHAI 23:8 - Khumi Common Language Bible

⁸ Na i py nangchi ly ‘Rabbi’ ang palau nai amteng u moh; nangchi ai patiu nai keung ly leaungrei awm khyh, naibaly nangchi bawibawi ly amjo amnau ne.

MATTHAI 23:8 Iomraidhean Croise

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 23:10

Pahawi nai keungchi ang palau nai py amteng u moh: nangchi ai ang pahawi nai keung ly leaungrei awm khyh, huni ly Krista ne.

MATTHAI 23:7

seng meingtym y nichi ai chiu nai amichi my nichi ai, ‘Rabbi,’ napi nai py ngai u parai lawh.

MATTHAI 26:25

Naibaly mymy ai patiu hai ai nai Juda my ly, “Rabbi awi, kaimy a?” napi. Mymy ly ni teng y, “Nang ly thui khyp bo,” napi.

MATTHAI 26:49

Hunaibaly ni ly Isu teng y chei praw iy, “Rabbi, noso hawi a?” napi nai ni ai pachawm.

MARKA 10:51

Naibaly Isu ly pathang i ni teng y, “Nang i tlang tleaung y ati kang sa pi ai nai ngai mo,?” napi. Naibaly mei kamju ly mymy teng y, “Rabboni, niu thai ai nai kangai,” napi.

MARKA 11:21

Hunaibaly Petera ly adawn ali vau i mymy teng y, “Rabbi awi, khen cham, nang i pasawi nai thaidu keung ly jei be bo,” napi.

MARKA 14:45

Hunaibaly ni ly tym bo nabaly mymy teng y chei praw i, “Rabbi,” napi nai ni ai pachawm.

MARKA 9:5

Naibaly Petera ly pathang i Isu teng y, “Rabbi awi, kaichi i vui hi y awm ai nai hawi parai; kaichi my taichy thomrei so si ba, nang i vui harei, Mosi i vui harei, Elija i vui harei,” napi.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

JOHAN 1:38

Isu ly hi iy nini abang hawi nai niu i nini teng y, “Ati hau hawi?” napi. Naibaly nini my ly, “Rabbi (huni ly Sara nanai sai ne,) nang ly manira y awm mo?” napi.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 11:8

Abangnaichi ly mymy teng y, “Rabbi, jangvai my Judachi ly nang ai lengseaung y aphi ai nai tau be; huna i py hu y ly chei bi ai rai a?” napi.

JOHAN 20:16

Isu my ni teng y, “Mari,” napi. Ni my ly hi iy ni teng y Hebrai leu y, “Rabboni” napi; (huni ly Sara nanai sai ne).

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 3:26

Naibaly nichi ly Johan teng y chei i ni teng y, “Rabbi, Jordan vai y nang teng y awm nai keung my ly, ni i satang nangmy khumichi ai pany hai nai ly khen cham, mymy ly baptis sa, khumi bawibawi py ni teng y chei,” napi.

JOHAN 4:31

Hunai sala y abangnaichi my ly ni teng y, “Sara, cho ba,” napi.

JOHAN 6:25

Naibaly nichi ly ang vai y mymy ai niu baly ni teng y, “Rabbi, nang ly hi mang mana khala y tym mo?” napi.

JOHAN 9:2

Naibaly abangnaichi ly mymy teng y, “Rabbi, mei kamju naimy tapen nai ly kamngo sa nai ami mo? Hini khumi my a, amhm ampo my a?” nanai deng.

II KORINTH 1:24

Kaichi ly nangchi i ym naira y peang ai naira nga kana nai ny y leang, kaichi ly nangchi i kawn ai naira y naini kang sabawm hai nai keung ne kang napi nai teu; nangchi ly ym naira y angdo u nai ne.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

EPHESI 3:15

Kirsta ly ym naira deaungkho y nangchi i paleung y awm hai thai ai nai py,

PHILEMON 1:16

miseaung kamta ny y naimy, miseaung tleaung y hawi nai, amjo amnau ngai parai nai kamta, kai i vui ne khyp, nang i vui ipsaly tlang y hawi Areng y ly ne nai tleaung y ne kehkeh.

JAKOB 3:1

Kai i amjo amnauchi awi, patiu nai keung neangneang y awm u moh, achi ai tara chih nai sai aneng kyh ai, na na inangchi pany.

I PETERA 5:3

nangchi teng y au naichi i tlang tleaung y atho sa nai kamta ny y naimy, beram kanghu i vui y amtiu naira apalawn u.

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 22:9

Naibaly ni my ly kai teng y, “Huna nai kamta so reng moh: kai ly nang hawi, ngamjo ngamnau amochi hawi, hini cha-iu leu sai patawm naichi i miseaung ahawi py ne: Tameuh ai chiu phai chiu,” ang napi.