MATTHAI 23:2 - Khumi Common Language Bible

² “Reita patiu nai keungchi hawi Pharisaichi ly Mosi i ateh naira y ateh u lawh,

MATTHAI 23:2 Iomraidhean Croise

EZARA 7:25

Nang, Ezara ly nang teng y Tameuh my ang pei nai cheng naira ai teaung iy Euphrat tavo pui nidym ka-peangra y, nang i Tameuh i leu tangai u nai khumi bawibawichi ai peang ai nai molam y, peang nai keungchi hawi tara chih nai keungchi ai khai takhra ba. Nang ly huni reita leu pany y nai khumichi ai patiu pi ba.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

MATTHAI 23:3

hunai deaungkho y nichi i ang thui pi nai ngierei ly so u ly patawn u; nichi i atiti sa nai kamta naini so u moh; nichi ly thui mang ly thui u i, so mang ly so u y pasi lawh veng.

MARKA 12:38

Naibaly mymy i patiu naira y ni my ly, “Reita patiu nai keungchi teng y ly amkym u; nichi ly baichu kangjiu pachu iy pavai nai ngai lawh, seng meingtym y nichi ai chiu nai hawi,

LUKA 20:46

seng meingtym y nichi ai chiu nai hawi, achura yhm y tahm asang keh nai atehra hawi, pawi sa naira y tahm asang keh nai meingtym py ngai parai lawh.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.