MATTHAI 18:7 - Khumi Common Language Bible

⁷ “Atlym hai nairachi deaungkho y khaileaung pri ly taham si! Atlym hai naira awm ai nai angchi yb nai teu, na i py atlym hai naira tym hai nai keung ly taham si!

MATTHAI 18:7 Iomraidhean Croise

ATITI AWM ANGCHEI NAI 13:7

Naibaly Abram i tawnbawi kry nai keungchi hawi, Lota i tawnbawi kry nai keungchi ly ajo u nai ne. (Huni neng khala huni meingtym y ly Kanan hawi Perizi chengchi awm u yb nai ne.)

2 SAMUELA 12:14

Na i py nang i huni kamngo sa tamang nai ly Areng ai khri pa-rei mei aniu y naira tym hai lawh nai deaungkho y, nang i deaungdi ly dei ai,” nanai pany hai chum baly,

MATTHAI 16:23

Naibaly mymy ly hi iy Petera teng y, “Setan! Kai i nithun mang y anaw la; nang ly kai i vui atlym ai naira ne; nang ly Tameuh i atitichi dawn y nai ly, khumi i atitichi dawn lawh nai ne na a hi ly,” napi.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

MARKA 13:7

Naibaly nangchi ly atiu nai leu hawi atiu nai satang kamthang thai nai khala y ly paleung bi u moh; hunichi ly tym ai nai angchi yb teu; na i py tem ai naira ly tym y leang rai.

LUKA 17:1

Naibaly mymy ly abangnaichi teng y, “Atlym nairachi ly awm y ai nai awm thai y leang; na i py atlym naira awm hai nai keungchi ly taham si!

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

AMTAW 1:16

“Amjo amnauchi awi, Phailo Kachai my Davida i labeaung y Isu ai patiu nai keungchi ai pahawi nai keung Juda i satang thui yb nai ly, huni Tameuh i cha-iu leu sai ly ang tym tanga nai bo.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

I TIMOTHEI 6:1

Tameuh i amyn hawi ni i patiu nai leu ly thui tamawn nai awm y ai nai, miseaung i langvui savan apatli nai ngiereichi ly mymychi i yhmkeungchi ai ati cheaungkhangra y palo ai ataing nai palawn u sy.

TITA 2:5

amy i yhm y kalop sa nai keung y awm ai nai hawi, neaung hawi parai naimy awm ai nai hawi, mymychi i juvochi i kangai awm ai nai py atiti kahawi patiu u sy.

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

1 SAMUELA 2:17

Eli i chapo nini i hina nai sa nai ly Areng i mo y khri pa-rei kamngo len nai ne; ati mana nai mo nabaly nini ly Areng teng y talam nairachi ai tahm khai y lawh nai deaungkho y ne.