MATTHAI 18:4 - Khumi Common Language Bible

⁴ Hunaibaly ami py hini deaungdichy kamta tahm apanem nai ngierei ly huni kypkyp ly kani pri y len keh nai ne.

MATTHAI 18:4 Iomraidhean Croise

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

MATTHAI 18:1

Hunai thym khala y ly abangnaichi ly Isu teng y chei u iy, “Kani pri y len keh nai ly ami mo?” napi.

MATTHAI 18:3

“Meitang khyp kang thui pi, nangchi ly adawn ali teang iy deaungdi chychi kamta lawn y baly kani pri y kun u ai nai ly aveng.

MATTHAI 18:5

“Naibaly ami py kai i amyn deaungkho y hini deaungdichy kamta leaungrei ai kawn nai ngierei ly kaimy ai kawn nai ne.

MARKA 10:43

Na i py nangchi theung y ly hunai kamta awm ai nai tlo y: na i py ami py nangchi theung y khumi kalen lawn ai ngai nai ngierei ly nangchi ai sabawm nai keung y awm ai nai tla:

MARKA 9:34

Na i py nichi ly mymychi theung y ami len keh ai mo? nanai lam y aei u chum veng nai deaungkho y sai py katheu y.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 9:48

“Ami py kai i amyn deaungkho y hini deaungdichy ai kawn nai ngierei ly kaimy ai kawn nai bo; ami py kai ai kawn nai ngierei ly kai ai pato nai keung ai kawn nai bo; nangchi bawibawi tleaung y theang keh nai ly huni ly len keh,” napi.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.