MATTHAI 15:11 - Khumi Common Language Bible

¹¹ “Tangai u ly, dawn pany u; labeaung y kun nai ly khumi ai chai hai y nai ny y leang, leabeaung i nai theu nai ly huni kypkyp my khumi ai chai hai y nai ne,” napi.

MATTHAI 15:11 Iomraidhean Croise

SAM 10:7

Nichi i labeaung ly pasawi nai, tapawp nai, pajei pahyn naichi kawi na. Niu ngai y nai leu hawi chai y nai leu katheu tamangtang bo.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

MATTHAI 15:10

Naibaly mymy ly khumi mipuichi ai palau i nichi teng y,

MATTHAI 15:12

Hunai thym khala y abangnaichi ly chei i mymy teng y, “Pharisaichi ly huni leu thai iy paleung hawi y, nanai ly pany a? napi.

MARKA 7:15

khumi angam mang i dengdairei mymy i taku theung y kun nai ly ni ai chai hai thai y ai nai ha py by y leang; khumi i taku theung i dengdairei theu naichi naini huni khumi ai chai hai y nai ne.

ROM AVANGCHI TENG Y PAWLA I CHA PA NAI 14:14

Atiti py ne sy, huni kypkyp y ly chai y naira ati sai py by y leang, nanai kai ly Areng Isu y khri pa-rei kapany na: atiti chai y nai palawn nai keung i vui naini chai y nai teu.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 14:20

Atiti cha nai deaungkho y Tameuh i sa nai ly taphra moh. Atitichi bawibawi ly chai takengkei nai bo, na i py atiti cha iy amichi ai atlym hai baly, huni cha nai keung i vui ly kamngo tla.

I TIMOTHEI 4:3

nichi ly apom ai nai kam u lawh, naibaly ym iy leu meitang pany naichi ly kawn nai leu thui iy nga ai nai, Tameuh my cha ai nai sa naichi ai ly cha ai nai tlo y, napi u lawh.

TITA 1:15

Khumi kachai i vui ly ati cheaungkhang chai jo; na i py chai y nai hawi ym y naichi i vui ly ati ra y py chai naira awm vai y leang; nichi i dawn naira py, hawi nai hawi y nai pany naira py chai y bo.

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;