MATTHAI 13:44 - Khumi Common Language Bible

⁴⁴ “Kani pri my peang nai ly hlau y yhmtheaung kangviu y up nai kamta atawm; huni ly ami my niu iy heu ra i, kawn nai deaungkho y mymy i awm nai bawibawi jo iy huni hlau ly van.

MATTHAI 13:44 Iomraidhean Croise

JOBA 28:13

Tau cheng naira ly khumichi theung y hau i, niu pajau y. Tau cheng naira i vang teng nai ly ami py pany pajau y.

LEU KACHENG 16:16

Pany thai naira hawi cheng naira nga nai ly muku hawi tangka ko nai tleaung y hawi keh.

LEU KACHENG 17:16

Khumi ka-khum ly cheng naira by y nai deaungkho y, pasa tangka hawi cheng naira hau thai y leang.

LEU KACHENG 18:1

Khumi takhrachi hawi ka-ly awm thai y nai khumichi ly amychi hawi ai naini paleung apei reng nai khumichi ne. Nichi ly khumi luteng my teng, nanai ai kawn u y.

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

MATTHAI 13:24

Naibaly mymy ly nichi teng y pata nai leu takhra thui pi bi i, “Kani pri my peang nai ly hlau y ti kahawi hei nai keung hawi pata nai ne:

MATTHAI 13:46

naibaly mymy ly khawisaleng i lengseaung vang tang parai nai harei niu i, mymy i awm nai bawibawi jo iy van.

MATTHAI 13:47

“Naibaly kani pri my peang nai ly pangli y tapiu jang iy, amjy cheaungkhang adang achu nai kamta atawm taleang bi.

MATTHAI 19:21

Isu my ly ni teng y, “Nang ly hawi angym nai awm ai nai ngai baly chei ly, nang i awm nai bawibawi jo iy, kamawnchi teng y pei, hunaibaly nang kani pri y yhmtheaung nga ai; naibaly jeu ly, kai teng y abang,” napi.

MATTHAI 19:27

Naibaly Petera my ly mymy teng y, “Khen cham, kaichi ly ati cheaungkhang khai su iy nang teng y abang bo; naibaly kaichi ly ati nga ai mo?” nanai deng.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 6:21

nang i yhmtheaung awm naira tleirei y nang i paleung py awm ai.

LUKA 14:33

Hunai kamta ly nangchi theung y ami py ni i awm nai bawibawi khai su y nai ngierei ly kai i khumi lawn thai y leang.

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.