MATTHAI 12:41 - Khumi Common Language Bible

⁴¹ Ninevi avang i khumichi ly tara chih nai neng khala y ly vai deung i kangthauchi hawi vanrei angdo ai i, nichi ai sum hai ai; ati mana nai mo nabaly Jona my leu thui nai deaungkho y nichi ly uikhei u veng bo; naibaly khen cham, Jona tleaung y len keh nai ly hi y awm na a.

MATTHAI 12:41 Iomraidhean Croise

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

JEREMIA 3:11

Naibaly Areng my kai teng y, “Israela ly kai teng i nai meimai hi vui teu i py, ka-ym by y nai Juda tanrei hawi y nai ny y,” napi.

JONA 1:2

Mymy ly “Nang ly Ninevi mary pui y chei iy, pany hai ba. Huni mary i khumichi ly khri pa-rei aso y, nanai kai pany,” napi.

JONA 3:4

Jona ly Ninevi mary theung y kun iy kanirei lam tako i, “Kani vui palyhrei kani y Ninevi mary ly phra ai!” nanai aeu bo.

MATTHAI 12:39

Naibaly mymy ly nichi teng y, “kamngo parai nai hawi pajang sa ryry nai deung kangthauchi ly ka-ma-ra hau u lawh, na i py amo Jona harei ny y baly nichi teng y ka-ma-ra pipi patei ai ny y.

MATTHAI 12:42

Tokalawi mang i samrang nu ly tara chih nai neng khala y ly vai deung i kangthauchi hawi vanrei angthau ai i, nichi ai sum hai ai; ati mana nai mo nabaly mymy ly Solomon i cheng naira tangai ai nai malawn py khuteng taki i dengdairei jeu be; naibaly khen cham, Solomon tleaung y len keh nai ly hi y awm na a.

MATTHAI 12:45

Hunaibaly chei iy mymy tleaung y kamngo keh nai vawinam takhra saryhrei hawi i, hu y kun iy awm u jo ryp; naibaly huni khumi i kangkhym i awm nai sai ly angchei i tleaung y hawi y keh bo. Hunai kamta ly vai deung i kangthau kamngo parai naichi i tlang tleaung y tym ai,” nanai pathang.

MATTHAI 12:6

Ati py ne sy achura yhm kalen pui tleaung y len keh nai leaungrei ly hi y awm, nanai kang thui pi.

MATTHAI 16:4

Kamngo parai nai hawi pajang sa ryry nai deung kangthauchi ly ka-ma-ra hau u lawh, na i py Jona harei ny y baly nichi teng y ka-ma-ra pipi patei ai ny y,” napi nai pathang. Naibaly mymy ly nichi teng i nai chei vui iy leh bo.

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 23:36

Meitang khyp kang thui pi, huni atiti bawibawi ly vai deung i kangthauchi i tlang tleaung y tym ai.

LUKA 11:32

Ninevi avang i khumichi ly tara chih nai neng khala y ly vai deung i kangthauchi hawi vanrei angdo i, nichi ai sum hai ai; ati mana nai mo nabaly Jona my leu thui nai deaungkho y nichi ly uikhei u veng bo; naibaly khen cham, Jona tleaung y len keh nai ly hi y awm na a.

JOHAN 3:31

“Salo mang i dengdairei jeu nai ly ati cheaungkhang bawibawi tleaung y salo keh nai ne; khaileaung y tapen nai my ly khaileaung i khumi ne, khaileaung i leu py thui; kani pri mang i dengdairei jeu nai ly ati cheaungkhang bawibawi tleaung y salo keh nai ne.

JOHAN 4:12

Nang ly kaichi i amsi Jakob tleaung y len keh a? Ni ly hini tuikan ang pei i, mymy py mymy i chanauchi py tawnbawichi py nei,” napi.

ROM AVANGCHI TENG Y PAWLA I CHA PA NAI 2:27

Naibaly amymy i tapen nai sai y lengkhym takip y nai my ly Reita patawm angym baly, nang, cha-iu leu hawi lengkhym takip nai reita awm iy py, Reita taphra nai keung ai ly ang cheh y ai a?

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.