MATTHAI 11:5 - Khumi Common Language Bible

⁵ mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 11:5 Iomraidhean Croise

2 ARENG KEH 5:14

Hunaibaly Neaman ly Jordan tavo y satla i, Elisa my thui pi nai kamta, tui tlen saryhrei miu nai khala ly roka hawi pyn nai ne. Ni i ngan tlang ly deaungdi i ngan tlang kamta lawm bo.

2 ARENG KEH 5:7

Israela samrang ly huni cha phain nai khala, ateaung sei iy, “Suria samrang ly kaimy hini khumi i roka tama hai ai, nanai athang khai lawh mo? Kai ly hengra pei pajau, la vui pajau nai sa thai naira awm nai Tameuh lawh sai a? Ni ly kai ai ka-jo hau nai teu bo!” nanai thui.

SAM 146:8

Atlym nai khumi bawibawichi ai pathau ali teang bo; mymy ly khumi kahawichi ai tamen nai ne.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

THEU NAI 4:11

Huna nai khala Areng my, “Khumi ai ami my leu katheu hai mo? Khumi ai ami my kano pang hai mo? Khumi ai mei angvang hai nai, ti y baly mei paju hai nai keung y ami mo? Kai Areng my ny y lawh sai a?

ISAIA 29:18

Huni neng kani tym nai khala y, kano kapangchi ly cha phain nai katyn thai ai. Kaveng theung y awm nai mei kamjuchi ly mei angvang iy niu u ai

ISAIA 29:19

Khumi kamawnchi hawi tahm anem nai khumichi ly Israela chengchi i nang parai nai Areng Tameuh my pei nai, amo theu naira nga u ali teang ai.

ISAIA 43:8

Tameuh my, “Kai i khumichi ai tara jeung y palau u. Nichi ly mei awm naimy niu u y. Kano awm naimy thai u y lawh ly!

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

ZEKHARIAH 11:7

Beram ka-jo ka-van sa nai khumichi my kai ai alai nai deaungkho y, kai ly ana naira avum nai beramchi ai typ nai keung lawm bo. “Pahen naira” napi nai amyn nga nai beram cheaungvawi harei hawi, “Amkawm naira” napi nai amyn nga nai beram cheaungvawi harei la iy, beram kanghuchi ai typ ai nai tla bo.

MATTHAI 10:8

No naichi ai hawi so pi u ly, kadeichi ai py pathau u, keaungsi no naichi ai py pachai u, vawinamchi ai py patheu u; nangchi ly jawm my nga bo, jawm my pei u.

MATTHAI 11:4

Naibaly Isu my ly nini teng y, “Tako hawi ali teang ly, nangni i atiti niu nai hawi thai nai ly Johan teng y thui pi:

MATTHAI 12:13

Hunaibaly mymy ly huni khumi teng y, “Nang i kiu pataw,” napi. Hunaibaly ni ly pataw i makengrei mang kamta hawi teang bo.

MATTHAI 21:14

Naibaly achura yhm kalen pui y ly mei kamjuchi hawi kheu kangbaichi ly mymy teng y chei u i, mymy ly nichi ai hawi sa pi bo.

MATTHAI 5:3

“Paleung apanem naichi ly taham hawi: kani pri ly mymychi i ne.

MATTHAI 9:30

Hunaibaly nini i mei ly angvang ryp bo. Naibaly Isu my nini teng y, “Ami pany y ai nai amkym hawi me,” nanai leu pei typ.

MARKA 7:37

kano kapang ai py kano thai hai, leu katheu thai y nai ai py leu katheu hai bo,” napi nai khri pa-rei lyh u na.

MARKA 9:25

Naibaly Isu ly khumi mipuichi angpreng achu dudu nai niu kha y, vawinam ai jo i ni teng y, “Nang vawinam leu katheu thai y nai hawi kano kapang awi, ni i taku theung i nai theu ly, kun bi moh, nanai leu kang pei,” napi.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 10:25

Naibaly Isu my nichi teng y, “Kang thui pi bo ly, nangchi ym y be; Ngaai i amyn y hini kai i atiti sa naichi ly kai i satang pany hai nai na a.

JOHAN 10:38

Na i py kai ly sa nai ne baly, Ngaai ly kai teng y awm nanai hawi, kai ly Ngaai teng y awm, nanai py nangchi tangai iy pany thai ai nai, kai ai ym u y i py kai i atiti sa nai ly ym u,” nanai pathang.

JOHAN 2:23

Naibaly mymy ly Katlen Vui nai pawi y Jerusalem avang y awm nai thym khala y ly, khumi neangneangchi ly mymy i atiti rengrang sa nai niu i, ni i amyn y ym u.

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 5:36

Na i py kai ai pany hai naira ly Johan i pany hai nai tleaung y len keh nai ne; Ampo my kai ai pato, nanai Ampo my kai ai atiti sa pajau ai nai au nai, kai i atiti sa nai khypkhyp my kai i satang pany hai.

JOHAN 9:7

naibaly ni teng y, “Siloam ang y amju chei,” napi. (Siloam ly Pato Nai, nanai sai ne.) Naibaly ni ly chei i amju iy mei angvang naimy vawi teang.

AMTAW 2:22

“Israela khumichi awi, hini leu ly tangai u cham: Nazaret Isu ai ly Tameuh my mymy ai teaung iy nangchi theung y atiti nang parai naichi hawi, atiti rengrangchi hawi ka-ma-rachi hawi sa nai ly hawihai ang pany hai nai, huni ly nangmychi kypkyp my pany bo.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?