MATTHAI 11:11 - Khumi Common Language Bible

¹¹ Meitang khyp kang thui pi, neampachy i tapen nai theung y Baptis sa nai Johan tleaung y len keh nai ly theu vai y rai; na i py kani pri i khumi theang kyh nai py ni tleaung y len kyh veng rai.

MATTHAI 11:11 Iomraidhean Croise

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 14:4

Chai y nai khumi theung i, ami nai kachai patheu pajau ai mo? Ami py patheu pajau y.

JOBA 15:14

Khumi ly meitang khyp, kamngo by y a? Ami nai Tameuh i mo y khumi kahawi lawm pajau ai mo?

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

MATTHAI 11:10

‘Khen cham, kai i amtaw thau nai ai ly nang i mo y kang pato nai ne. Ni ly nang i mo y nang i lam sa pi rym ai,’ nanai ni i satang tajiu nai ly hini ne he.

MATTHAI 11:12

Naibaly Baptis sa nai Johan awm khala i dengdairei vai khrairei khumichi ly kani pri my peang naira y kun ai nai atho sa, naibaly khri pa-rei ngai nai khumichi ly hau reng.

MATTHAI 3:1

Naibaly hunai thym khala y ly Baptis sa nai Johan ly Judai pri i daichi ka-vym y leu thui nai tym i,

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

MATTHAI 5:19

Hunaibaly ami py hini leu pei nai jang keh naichi theung y harei py taphra iy, hunai kamta sa teang ai nai khumichi ai patiu nai ngierei ai ly kani pri y tahm anem keh nai khumi, nanai amyn pathi ai; na i py ami py patawm iy patiu pateang nai ngierei ai ly kani pri y khumi kalen, nanai amyn pathi ai.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

LUKA 7:28

Kang thui pi, neampachychi i tapen nai theung y ly Johan tleaung y len keh nai by y; na i py Tameuh i peang naira i khumi theang kyh nai py ni tleaung y ly len kyh veng rai.

LUKA 9:48

“Ami py kai i amyn deaungkho y hini deaungdichy ai kawn nai ngierei ly kaimy ai kawn nai bo; ami py kai ai kawn nai ngierei ly kai ai pato nai keung ai kawn nai bo; nangchi bawibawi tleaung y theang keh nai ly huni ly len keh,” napi.

JOHAN 1:15

Johan ly ni i satang pany hai i, “Kai bo y tym nai ly kai ai katlen veng bo, ni ly kai i mo y awm angchi nai deaungkho y na a,’ nanai ni i satang kai thui nai ly mymy ne he,” nanai aeu.

JOHAN 1:27

ni ly kai bo y tym nai keung ne, kai ly ni i phainai vui su ai nai py ataing y leang,” nanai pathang.

JOHAN 10:41

Naibaly khumi neangneangchi ly ni teng y chei i, “Johan ly atiti rengrang mang ly sai py so y leang; na i py hini khumi i satang Johan i thui nai ngierei ly teng parai he,” napi.

JOHAN 3:30

Ni ly veang ai nai tla, kai ly jum ryry ai nai tla.

JOHAN 5:35

Ni ly angveaung parai nai hawi angvang parai nai maisi yhm ne i, nangchi ly maidenrei ni i kangvang y amo theu ai nai ngai u be.

JOHAN 7:39

Huni leu ly mymy ai ym naichi i nga ai nai Phailo i satang thui nai ne: Isu ai palo y rai nai deaungkho y Phailo pei y rai.

I KORINTH 15:9

Ati mana nai mo nabaly kai ly amtaw thau naichi theung y theang keh nai, Tameuh i palau takhra kamkawm ai ka-na nai deaungkho y kai ly amtaw thau nai khumi pathi ai nai py ataing y leang.

I KORINTH 6:4

Hunaibaly nangchi ly vai heng nai sala y awm nai saichi chih ai nai awm baly, palau takhra kamkawmchi i mei ka-niu y tahm anem keh naichi my chih ai nai khai u lawh a?

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

HEBRAI 11:40

ati mana nai mo nabaly achi ai tabawi y nai ly nichi ai angym hai y ai nai, Tameuh my achi i molam y atiti hawi tleaung hawi ra nai ang sa pi chum veng bo.

I PETERA 1:10

Nangchi i tlang tleaung y pahenra tym ai nai leu ang thui pi rym nai amochi ly huni paheng naira satang hawihai palai dawn py dawn, hau py hau:

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.