MATTHAI 10:6 - Khumi Common Language Bible

⁶ Samari khuhmichi i avang y py den py kun u moh; na i py Israela cheng, tama nai beramchi teng y phai chei u.

MATTHAI 10:6 Iomraidhean Croise

SAM 119:176

Kai ly tama nai beram kamta lam tamang bo; hunai deaungkho y jeu ly nang i miseaung kai ai hau kyh ba; kai ly nang i reita leu pei naichi ai tami y leang.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:6

“Kai i khumichi ly mawichira y beram typ keungchi my lam tama hai nai beramchi hawi atawm nai ne. Nichi ly mawichira y lyn kalau, ang vum kathiu naimy mychi i beram hai ai tami vui nai beramchi kamta, amki u bo.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 34:4

Kreaung nai beramchi ai khen y, no nga nai beramchi ai py asi so pi y; tamo nga nai beramchi ai kanih hawi bam pi y, lam tamang nai beramchi ai pakym y; tama nai beramchi ai py hau y naimy, nangchi ly huni beramchi ai pahen ai nai pany u y.

Ezekiela 34:6

Hunai deaungkho y mawichi hawi mawi aheungchira y ahi lengleang nai ne. Nichi ly khaileaung pri verei y ahei u bo. Nichi ai hau nai khumi hawi, hau ai nai atho sa nai khumi leaungrei py by y.

Ezekiela 34:8

Kai ly Tameuh kangheng ne nai deaungkho y nangchi ly kai i leu tangai u. Beram typ nai keung by y nai deaungkho y, kai i beramchi ai mawi kasichi my kei iy cha u bo. Kai i beram typ nai keungchi ly beramchi hau u y; nichi ly mymychi ai naini akry iy, beramchi ai ly kry u y.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 18:11

[Khumi i Chapo ly tama naichi ai hau ai nai ang jeu nai ne.]

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 18:6

Na i py nichi my khri pa-rei paka i thui tamawn nai kha y Pawla ly mymy i kanih takhym i mymychi teng y, “Nangchi i thi ly nangmychi i lu y tym sy, kai ly chai bo; kai ly vai i dengdairei Cheng Takhrachi teng y kachei ai,” napi.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.