MATTHAI 1:12 - Khumi Common Language Bible

¹² Naibaly Judachi ai Babulon pri y miseaung y hawi nai bo y Jekonia ly Salathiela ai sa; Salathiela ly Zerubabela ai sa;

MATTHAI 1:12 Iomraidhean Croise

2 ARENG KEH 24:14

Nebukhadnezar ly Jerusalem mary i khumichi, samrang i cho chanauchi hawi lu sa nai keung ngiereichi, khumi bawibawi leaung 10,000reichi ai patiu iy langheng hawi nai ne. Ni ly khumi kamawn kateuchi ai naini Juda pri y daw su iy, tami thip kawp naichi hawi kalop kawp keh naichi ai ly hawi pawn bo.

2 ARENG KEH 25:27

Babulon samrang Evilameroda ly mymy i samrang lyn nai saneng y, Juda samrang Jehojakhin ai theaung i nai palawi pi i, ni ai pahen nai patei bo. Huni ly Jehojakhin theaung tla nai saneng 37, lo holai ha, kani 27rei kani y hina nai tym nai ne.

1 NENG SATANG 3:17

Babulon pri y theaung tla nai samrang Jehojakhin ly chapo leaung saryhrei awm; huni samrang i chapochi ly Shalatila,

EZARA 3:2

Jehozada i chapo Josua hawi ni i ahawi pathyp pi nai keungchi, Sheltiel i chapo Zerubabela hawi vanrei mymy i ajo amnauchi ly Tameuh i khumi Mosi i Reita cha-iu theung y tajiu nai kamta, kapathyprachi leng patlum ai nai Israela chengchi i Tameuh i vui maicham sa u nai ne.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

NEHEMIA 12:1

Shealtiela i chapo Zerubabela, pathyp pi nai keung kalen keh Josua hawi vanrei, pri palara i vawi u ali teang nai pathyp pi nai keungchi hawi Levi theaungchi i vuikanai pany hai pi ai:

JEREMIA 22:24

Areng ly Jehojakim i chapo Juda samrang Jehojakhin ai, “Nang ly kai i lamtang kiu y awm nai pajawp typ nai ka-ma-ra kiusabyh ne lawh teu i py, kai ly Tameuh kangheng ne nai y, kai ly nang ai kang pajiu vui ai.

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 22:30

“Hini khumi ly cho chanau so y ai nai pajeng naira avum bo. Ni ly mana khala py eaung naira ngo y nai khumi lawm ai. Samrang Davida y amtym ai nai hawi Juda pri y peang ai nai katu chanauchi ngo y ai. Hini ly kai, Areng i thui nai leu ne,” napi.

HAKAI 1:1

Pasia pri empara samrang Dari i peang nai pa-nyh saneng, tariu lo, kani harei kani y Areng my amo Hakai teng y pei nai leu ne. Huni leu pei nai ly Juda samrang i bangtang kalen Shealtiel i chapo Zerubabela hawi, pathyp pi nai keung kalen keh Jehizada i chapo Josuachi i vui ne.

HAKAI 1:12

Naibaly Shaltiel i chapo Zerubabela, pathyp pi nai keung kalen keh Jehizada i chapo Josua hawi Babulon pri y pri pala naira i vawi teang nai mipui bawibawichi ly mychi i Areng Tameuh my leu pei nai kamta sa u bo. Nichi ly jei hyn nai deaungkho y, Areng my pato nai amo Hakai i thui nai leu tangai u bo.

HAKAI 1:14

Areng ly Juda samrang i bangtang kalen Shaltiel i chapo Zerubabela, pathyp pi nai keung kalen keh Jehizada i chapo Josua hawi pri palara i vawi u teang nai khumi bawibawichi ai, Achura yhm sa naira y paleung apei hai bo. Nichi ly mychi i Areng, ati cheaungkhang sa thai nai Tameuh i Achura yhm sa nai ly

HAKAI 2:2

mymy ly Hakai ai hina nai thui hai bo. Mymy ly nang ly Juda samrang i bangtang kalen Jerubabela, pathyp pi nai keung kalen keh Josua hawi huni bo i mipuichi teng y,

HAKAI 2:23

Kai i miseaung tatang Zerubabela awi, huni kani y kai ly nang ai kang la ai i, kai i jeng y peang hai ai. Nang ly kaimy vawi takhra nai khumi ne,” napi bo. Hini ly ati cheaungkhang sa thai nai Areng my thui nai leu ne.

MATTHAI 1:11

Judachi ai Babulon pri y miseaung y hawi nai thym khala y, Josia ly Jekonia hawi amnauchi ai sa.

MATTHAI 1:13

Zerubabela ly Abiuda ai sa; Abiuda ly Eliakim ai sa;

MATTHAI 1:17

Hunaibaly Abraham i dengdairei Davida ryrei deung bawibawi ly deung holai palyhrei awm; naibaly Davida i dengdairei Babulon pri y miseaung y hawi nai ryrei ly deung holai palyhrei awm teang; naibaly Babulon pri y miseaung y hawi nai dengdairei Krista tym pa-rei ly deung holai palyhrei awm bo.

LUKA 3:27

huni ly Joanan i chapo ne, huni ly Rhisa i chapo ne, huni ly Zerubabela i chapo ne, huni ly Salathiela i chapo ne,