MATTHAI 1:11 - Khumi Common Language Bible

¹¹ Judachi ai Babulon pri y miseaung y hawi nai thym khala y, Josia ly Jekonia hawi amnauchi ai sa.

MATTHAI 1:11 Iomraidhean Croise

2 ARENG KEH 23:31

Joaha ly saneng 23rei awm nai khala y, Juda samrang lawm i, Jerusalem mary y lo thomrei peang nai ne. Ni i amhm ly Libana mary y awm nai Jeremia i chaniu Hamutal ne.

2 ARENG KEH 24:14

Nebukhadnezar ly Jerusalem mary i khumichi, samrang i cho chanauchi hawi lu sa nai keung ngiereichi, khumi bawibawi leaung 10,000reichi ai patiu iy langheng hawi nai ne. Ni ly khumi kamawn kateuchi ai naini Juda pri y daw su iy, tami thip kawp naichi hawi kalop kawp keh naichi ai ly hawi pawn bo.

2 ARENG KEH 25:11

Naibaly Nebuzaradan ly mary theung y awm rai nai khumichi, awm rai nai kalop kawp nai khumichi hawi Babulon samrang mang y kun nai khumichi ai py, Babulon pri mang y hawi jo nai ne.

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

2 NENG SATANG 36:20

Samrang ly dei kamthum khumichi ai Babulon pri mang y hawi iy, Pasian empara pri amthawn nai neng tym nai pa-rei, mymy hawi my i kangpreangchi teng y miseaung achei hai bo.

ISAIA 13:1

Hini leu pei nai ly Babulon pri i molam y Tameuh my Amoz i chapo Isaia teng y tym nai leu ne.

JEREMIA 39:9

Kangkhym y tavailu areng Nebuzaradan ly mary theung y awm rai nai khumichi ai, mymy teng y preang u naichi hawi vanrei langheng palawn iy, Babulon mary y hawi vui nai ne.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.

MATTHAI 1:12

Naibaly Judachi ai Babulon pri y miseaung y hawi nai bo y Jekonia ly Salathiela ai sa; Salathiela ly Zerubabela ai sa;

MATTHAI 1:17

Hunaibaly Abraham i dengdairei Davida ryrei deung bawibawi ly deung holai palyhrei awm; naibaly Davida i dengdairei Babulon pri y miseaung y hawi nai ryrei ly deung holai palyhrei awm teang; naibaly Babulon pri y miseaung y hawi nai dengdairei Krista tym pa-rei ly deung holai palyhrei awm bo.