MARKA 8:32 - Khumi Common Language Bible

³² Mymy ly huni leu chai pyn pa-rei thui nai ne. Naibaly Petera ly mymy ai hawi takhra iy preng.

MARKA 8:32 Iomraidhean Croise

MATTHAI 16:22

Naibaly Petera ly mymy ai hawi takhra iy, “Areng awi, Tameuh my pei moh sy! Huni ly nang i tlang tleaung y den py tym y ai,” napi nai preng.

MARKA 4:38

Naibaly mymy ly kalawi mang y lutleang tleang iy i ngym nai awm: naibaly nichi ly ni ai palaw i mymy teng y, “Sara awi, nang ly kaichi tama ai nai ly paleung mawn hai y a?” napi.

LUKA 10:40

Na i py Martha ly biu an amsi ryry nai khrukhra la na i, ni teng y chei iy, “Areng, kai i amnau my kalop sa nai kaimy tlairei patlaw jo nai ly dawn hai y a? Kai ai sabawm ai nai thui pi kyh ba,” napi.

JOHAN 10:24

“Nang ly kaichi ai paleung bi hai ai nai mana tanrei kra ai rai mo? Nang ly Krista ne nabaly hawihai chai pyn naimy thui pi jau bei,” napi.

JOHAN 11:14

Hunaibaly Isu my hawihai chai pyn naimy nichi teng y, “Lazara ly dei bo.

JOHAN 16:25

“Hini leu ly nangchi teng y kang thui pi engleng bo: na i py neng tym ai, hunai khala y ly thui pi engleng nai leu ly kang thui pi ali y leang bo, chai pyn naimy Ampo i satang kang thui pi ai.

JOHAN 16:29

Naibaly abangnaichi my, “Khen cham, vai ly nang chai pyn naimy thui bo, thui pi engleng nai den py thui y bo.

JOHAN 18:20

Isu my ni teng y, “Khaileaung pri i khumichi teng y khumi bawibawichi i ka-thai y kai leu thui be; achura yhm y hawi, achura yhm kalen pui y py, Juda bawibawichi i achu reng nai meingtym y kai patiu jojo be; kai ly kangviu y ati sai py thui y leang.