MARKA 7:22 - Khumi Common Language Bible

²² angai naichi, paviu naichi, khumi ai padei naichi, pajang sa naichi, paleung ano naichi, kamngo naichi, tapawp naichi, paleaung naichi, akeng naichi, thui preaung naichi, am-e naichi, pathu naichi ly:

MARKA 7:22 Iomraidhean Croise

2 NENG SATANG 32:31

Hini pri theung y tym nai lyh ai nairachi khen ai nai Babulon savaichi tym nai khala malawn py, Tameuh my Hezekia ai cham ai nai ni i ngai nai kamta sa ai nai pei pi nai ne.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 119:36

Yhmtheaung katui nang chawn ai ngai nai paleung ka-dawn tleaung y, nang i reitachi tangai ai ngai nai paleung ka-dawn kai ai pei kyh ba.

LEU KACHENG 12:23

Tau cheng nai khumichi ly mymychi i tau cheng nai sai ai amthang hai leaung y; na i py tau cheng y nai khumichi ly mymychi i tau cheng y nai sai ai, amthang hai leaung nai ne.

LEU KACHENG 22:15

Deaungdichi i awm kari ly awm ngaulau nai, tamang naichi sa u reng nai ne. Na i py khyh pakhau iy parip baly, nichi i amhi amtlau nai sai hawiryh hawiryh ai.

LEU KACHENG 23:6

Nun-si nai khumi hawi vanrei, cho nei ahawi moh. Ni i sawn pi nai cha nei kahawi paleung no moh.

LEU KACHENG 24:9

Khumi ka-khum i dawn pasym nai bawibawi ly kamngo sa tamang reng. Amichi i tlang tleaung y mei aniu y nai sa nai khumi ai ly khumichi my niu ngai y nai ne.

LEU KACHENG 27:22

Khumi ka-khum ai deivi pa-rei pakhau teu i py, ni i akhum nai ai ly khai su pa-rei pakhau pajau ai ny y.

LEU KACHENG 28:22

Amy i vui dawn khyh nai khumichi ly nang chawn ai nai hau u tamangtang bo. Na i py ngari kamtang avum ai nai pany u y.

Parip nai leu 7:25

Na i py kai ly tau cheng naira hawi pany thai naira ai kadawn pasym bo. Kai ly kaimy i deng nai leuchi kapany thai ai nai hawi, tau cheng naira py atho sa naimy kahau nai ne. Huni bo y aso y nai hawi akhum nai pany ai nai amtiu bo.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

MATTHAI 20:15

Kaimy i teu ly kaimy ngaingai so ngau y a? Ti y baly kai ly hawi nai deaungkho y nang ly khen hawi y nai sai a?’ napi nai pathang.

MATTHAI 6:23

Na i py nang i mei chai y baly nang i tlang bom verei y kaveng kawi be ai mang. Hunaibaly nang theung y awm nai kangvang ly kaveng ne iy khyly, huni kaveng ly khri pa-rei ty na ly!

MARKA 7:21

Taku theung i nai khumi i paleung theung i dengdairei ly kamngo dawn nairachi theu reng:

MARKA 7:23

huni atiti kamngo naichi bawibawi ly taku theung i dengdairei theu iy, khumi ai ly chai hai y reng nai ne,” napi.

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.

Leu Thui Nai 28:54

Huna nai mary ai paleung ka-echi my katanmeuh nai thym y kajeu alam nai khumichi ly khumi kahawichi ne i malawn py amy i cho chanau ngan cha u ai. Nichi ly mymychi i amjo amnau, khrei keh nai aju hawi, awm rai nai cho chanauchi ai malawn py, huni ngan mawi phy pi ai ny y.

Leu Thui Nai 28:56

Khumi kahawi ne iy nang chawn nai deaungkho y khaileaung y kheu chiu vai y nai neampachy malawn py, mary ai paleung ka-echi my katanmeuh iy cha nei takang nai khala, amy i tapen tlei nai deaungdi hawi tapen chum nai deaungdi hawi thui ai kangviu y cha ai. Huni deaungdi i ngan hawi thui ai ly my i tamen nai juvo hawi cho chanauchi ai py cha amji hai ai ny y.

I PETERA 2:15

Naibaly ly atiti kahawi sa naira y ly khumi cheng y naichi i pany y nai leu thui nai anawn hai thai ai nai Tameuh i kangai ne khyp.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.