MARKA 6:34 - Khumi Common Language Bible

³⁴ Hunaibaly mymy ly kacheng y angkhyh kha y khumi mipui ka-teng ny y nai niu iy, typ nai keung by y nai beramchi kamta atawm nai deaungkho y khrikhri pa-rei pahen i, nichi ai leu neangneang patiu amteaung.

MARKA 6:34 Iomraidhean Croise

1 ARENG KEH 22:17

Huna nai khala Mikha my, “Israela mipuichi ly typ nai keung by y nai beramchi kamta, mawi saleungchira y ahei phro nai kai kaniu. Areng my, ‘hini khumichi ai lu sa nai keung by y; nichi ai mychi i yhm mang y tlamsa naimy vawi ai nai phai pei pi,’ nanai leu ang pei,” napi.

2 NENG SATANG 18:16

Huna nai khala Mikaia my, “Israela khumichi ly typ nai keung by y nai beramchi kamta, mawi aheungchira y ahei nai kaniu bo. Areng my py, “Hini khumichi ly lu sa nai keung by y. Nichi ai mychi i avang saleaung y vawi ai nai pei pi,’ ang napi,” napi.

ISAIA 13:14

Mawi sarachi teng i dengdairei angpreng phro nai sisiuchi kamta, typ nai keung by y nai beramchi kamta, Babulon pri y awm nai cheng takhra khumichi ly mychi i saleaung khuteng mang y preang u ali teang ai.

JEREMIA 50:6

“Kai i khumichi ly mawichira y beram typ keungchi my lam tama hai nai beramchi hawi atawm nai ne. Nichi ly mawichira y lyn kalau, ang vum kathiu naimy mychi i beram hai ai tami vui nai beramchi kamta, amki u bo.

Ezekiela 34:5

Beramchi ly beram typ nai keung by y nai deaungkho y, ahei khrikhra iy mawi kasichi i teicha lawm u bo.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

Kati Nai 27:17

tavai theung y lu sa ai nai khumi leaungrei vawi takhra pi kyh,” nanai takeng bo.

MATTHAI 14:14

Hunaibaly mymy ly kacheng y angkhyh kha y khumi mipui ka-teng ny y nai niu iy, khri pa-rei pahen i nichi i no naichi ai hawi sa pi bo.

MATTHAI 15:32

Naibaly Isu ly abangnaichi ai palau iy, “Khumi mipuichi ly vai kai teng y kani thomrei awm i, nichi ly cha ai nai ati sai py by y nai deaungkho y kai ly nichi ai khri pa-rei pahen na; biu hai naimy ly nichi ai tako hai ai nai ngai y, ti y baly nichi ly lam sala y paha u lawh na,” napi.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

MARKA 6:33

Naibaly khumichi ly nichi chei u nai thym khala y niu i, neangneangchi ly nichi ai pany, naibaly avang tleirei i dengdairei hu y kheu y angpreng u achu nai nichi ai kalym vui.

MARKA 6:35

Naibaly kani patyh parai bo nabaly abangnaichi ly mymy teng y chei iy, “Hini ly daichi ka-vym meingtym ne, kani py patyh parai veng bo;

MARKA 8:1

Huni neng khala y ly khumi mipui ka-teng ny y nai awm bi iy, nichi ly ati sai py cha ai nai by y i, mymy ly abangnaichi ai palau iy nichi teng y,

MARKA 8:2

“Khumi mipuichi ly vai kai teng y kani thomrei awm i, nichi ly cha ai nai ati sai py by y nai deaungkho y kai ly nichi ai khri pa-rei pahen na;

LUKA 9:11

Na i py khumi mipuichi ly pany iy mymy ai hui u bo; naibaly ni my ly nichi ai kawn i Tameuh i peang nai satang thui pi, naibaly no hawi sa pi ai nai aly ngai nai ngierei ai ly hawi sa pi.

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.