MARKA 6:2 - Khumi Common Language Bible

² Naibaly Anawn Kani ne i, mymy ly achura yhm y leu patiu amteaung bo: naibaly mymy i leu thai nai khumi neangneangchi my ly, “Hini khumi ly hini bawibawi ly ma mang i nga nai mo? Hini khumi teng y cheng naira pei nai ly ati cheng naira mo? Mymy i kiu y hina tanrei atiti rengrang sa naichi ly ati mana nai sai mo?

MARKA 6:2 Iomraidhean Croise

MATTHAI 4:23

Naibaly Isu ly Judachi i achura yhm takhra takhra y leu patiu i Tameuh i peang nai Satang Kahawi thui pi iy, khumichi theung y no nai cheaungkhang man nai hawi, ham y naira cheaungkhang hawi sa pi nai Kalili pri bawibawi amki prei bo.

MATTHAI 7:28

Naibaly hina nai ne, Isu ly huni leu thui pajau bo nabaly khumi mipuichi ly mymy i leu patiu nai ly lyh parai;

MARKA 1:39

Hunaibaly mymy ly leu thui nai hawi, vawinamchi ai patheu nai py Kalili pri verei y nichi i achura yhm y kun preiprei.

MARKA 10:1

Naibaly mymy ly angthau i hu i dengdairei Judai pri tengtang y hawi, Jordan vai mang y chei; naibaly khumi mipuichi ly mymy teng y achu bi i, mymy i sa reng nai reita kamta nichi ai leu patiu bi.

LUKA 2:47

Naibaly mymy i leu thai nai ngiereichi ly ni i pany thai nai sai hawi pathang nai sai py lyh parai.

LUKA 4:15

Naibaly mymy ly nichi i achura yhm takhra takhra y leu patiu i, khumi bawibawi my ni ai palo.

JOHAN 6:42

“Hini khumi ly Josepha i chapo Isu ny y lawh a? Ni i amhm ampo ai py achi pany be. ‘Kani pri mang i dengdairei kang satla kathiu nai ne,’ nanai ly mana nai thui nai mo?” napi.

JOHAN 7:15

Naibaly Judachi ly, “Hini khumi ly cha amtiu vai y naimy mana pany lawh?” napi i lyh parai.