MARKA 5:40 - Khumi Common Language Bible

⁴⁰ Naibaly nichi my ly mymy ai panui hai lawh. Na i py mymy ly nichi bawibawi ai patheu iy, deaungdi i amhm ampo ai hawi, mymy teng y awm naichi ai py hawi iy deaungdi i awm naira y kun.

MARKA 5:40 Iomraidhean Croise

ATITI AWM ANGCHEI NAI 19:14

Naibaly Lota ly chaniu ni hawi apom hai ai nai neampachochi teng chei iy, “Hi i nai theu u kaliki jau; Areng my hini mary taphra ai bo,” napi. Na i py nichi ly amnui thui nai teu, nanai palawn u.

2 ARENG KEH 4:33

Ni ly katheu kho vui iy, Areng teng y chiu sa bo.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

JOBA 12:4

Vai ly kai i ahawi ka-dawichi my malawn py, kai ai ang panui hai bo. Kai ly hawi nai ne iy, kamngo by y nai khumi lawm i py, kai ai nichi my panui hai. Na i py vaichi khala, Tameuh ly kai i chiu sa hnei takeng nai ang tangai pi reng nai ne.

SAM 22:7

Kai ai niu nai khumi lutengchi my ang panui hai bo. Nichi ly palai pathu hai iy, lu heang u nai ne.

MATTHAI 15:11

“Tangai u ly, dawn pany u; labeaung y kun nai ly khumi ai chai hai y nai ny y leang, leabeaung i nai theu nai ly huni kypkyp my khumi ai chai hai y nai ne,” napi.

MATTHAI 7:6

“Atiti kachai ly uichi teng y pei u moh; nangchi i amiachi py euchi i mo y aphi u moh, ti y baly ati piupa nai hi iy ang kase lawh na.

MARKA 5:39

Naibaly mymy ly kun baly nichi teng y, “Ati mana nai tukulula nai vo u ryry lawh mo? Deaungdi ly dei y leang, i ngym nai teu,” napi.

MARKA 5:41

Naibaly mymy ly deaungdi i kiu y amkhaw iy ni teng y, “Talitha kumi,” napi: huni ly, “Lo awi, angthau jau kang napi,” napi nai sai ne.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.