MARKA 5:2 - Khumi Common Language Bible

² mymy ly paleaung i nai angkhyh nai bo y khumi leaungrei vawinam my nam nai tapreaung i dengdairei theu iy, mymy hawi avum praw; huni khumi ly tapreaung y awm i, ni ai ly ami py kawm pajau y nai bo;

MARKA 5:2 Iomraidhean Croise

ISAIA 65:4

Nichi ly vum y tapiuchi, tapreaungchira y chei iy, khumi kadei phailochi hawi leu arum u nai ne. Nichi ly eu mawi cha iy nichi i laawm theung i, chai y nai mawi byh hangchi nei u.

MARKA 1:23

Naibaly nichi i achura yhm y ly vawinam my nam nai khumi leaungrei awm khyp i ni my ly,

MARKA 1:26

Naibaly vawinam my ly ni ai khrikhri pa-rei my kyn hai iy, athorei my hang i ni i taku theung i nai theu.

MARKA 3:30

“Vawinam na a tu ly,” napi nai deaungkho y huna nai thui pi nai ne.

MARKA 3:9

Naibaly khumi mipui nai deaungkho y mymy i vui paleaung chy khai pi rym ai nai abangnaichi teng y thui pi, “Ti y baly kai ai i meimeaung lawh na,” napi.

MARKA 4:1

Naibaly mymy ly ang peang y leu patiu nai amteaung. Naibaly mymy teng y khumi mipui ka-teng ny y nai achu nai deaungkho y mymy ly ang y paleaung y atang iy ateh; khumi mipui bawibawichi ly ang ahawi i kacheng y awm u bo.

MARKA 4:36

Hunaibaly khumi mipuichi ai khai su iy mymy ai ly awm nai kari my paleaung y chei hai praw: paleaung takhrachi py mymy teng y awm teang.

MARKA 5:21

Naibaly Isu ly paleaung mang ho mang vai y angpeang bi baly khumi mipui ka-teng ny y nai mymy teng y chei achu bo: naibaly mymy ly ang peang y awm.

MARKA 5:3

sengkry y malawn py kawm pajau y;

MARKA 5:8

Ati mana nai mo nabaly Isu ly ni teng y, “Vawinam awi, hini khumi i taku theung i dengdairei theu jau,” napi veng bo.

MARKA 7:25

Hunaibaly neampachy leaungrei, ni i chaniu deaungdichy vawinam my nam nai ly mymy i satang thai iy jeu i, mymy i kheu keung y ambeu praw.

LUKA 8:27

Naibaly kacheng y angkhyh nai bo y avang i khumi, vawinam my nam nai ami mo leaungrei ni hawi avum. Huni khumi ly kanih akhiu y nai kra parai bo, den py yhm y awm y, tapreaung y awm lawh.

LUKA 9:42

Naibaly ni ly jeu nai thym khala y vawinam my ly ni ai atlym hai khup iy khri pa-rei kyn hai lawh. Na i py Isu ly vawinam ai jo i, deaungdi ai ly hawi sa iy ampo teng y pei ali teang bo.