MARKA 5:19 - Khumi Common Language Bible

¹⁹ Na i py Isu my ly pei y i ni teng y, “Nang i yhm y nangmy i ahawichi teng y vawi ly, Areng my nang i vui mana tanrei ang sa pi nai hawi, mymy i ang pahen nai sai ly thui pi,” napi lawh veng.

MARKA 5:19 Iomraidhean Croise

2 ARENG KEH 5:4

Neaman ly anglo i thui nai leu thai nai khala, samrang teng y chei iy amti pi.

SAM 66:16

Tameuh ai jei kaji naimy tahm khai nai khumi bawibawichi awi, jeu ly tangai u; mymy ly kai i vui y ati mana hawi ang sa pi mo, nanai kaimy kang thui pi ai.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MARKA 5:20

Hunaibaly ni ly chei iy Dekapoli pri y ly Isu my ni i vui mana tanrei ang sa pi nai sai ly amthang hai amteaung, naibaly khumi bawibawichi ly khri pa-rei lyh na.

LUKA 8:39

Na i py Isu my ly, “Nang i yhm y vawi ly, Tameuh my nang i vui mana tanrei ang sa pi nai sai ly thui pi,” nanai pato veng. Hunaibaly tako iy avang kalen bawibawi theung y ly Isu my mymy i vui mana tanrei ang sa pi nai sai ly aeu hai.

JOHAN 4:29

“Jeu u ly, kai i atiti sa nai ngierei ang thui pi ryp ryp nai keung khumi leaungrei ai khen u cham. Hini ly Krista ny y a?” napi.