MARKA 4:7 - Khumi Common Language Bible

⁷ Naibaly phyrei ly kabeng aleng theung y tla i, kabeng aleng ly len ryh len ryh i vawi pajeang veng, vui den py theu y.

MARKA 4:7 Iomraidhean Croise

JEREMIA 4:3

Areng my Juda mipui hawi Jerusalem mary i khumichi teng y, “Thawn vai y rai nai nangchi i li ly thawn u. Nangchi i choh tichi ai kabeng alengchi theung y hei u moh.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MATTHAI 13:7

Naibaly phyrei ly kabeng aleng theung y tla i, kabeng aleng ly len ryh len ryh i vawi pajeang veng.

MATTHAI 13:8

Naibaly phyrei ly khaileaung kahawira y tla i, vui theu iy phyrei ly chungvairei, phyrei ly vui tariurei, phyrei ly phairei peung.

MARKA 4:6

khaileaung tho y nai deaungkho y prau praw ryp: naibaly kani asang leng nai kha y ly ang i, tangjyn ngo y nai deaungkho y jei ryp veng.

MARKA 4:8

Naibaly phyrei ly khaileaung kahawi ra y tla i, prau iy len ryh len ryh i vui theu; naibaly phairei, vui tariurei, chungvairei peung,” napi.

LUKA 12:15

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

LUKA 8:14

Naibaly kabeng aleng theung y tla nai ly hinichi he: nichi ly leu thai nai bo y vawi iy, heng khala y dawn nai saichi hawi, nang nairachi hawi, tlamsa nairachi my achih hai i athai thawn y.

LUKA 8:7

Naibaly phyrei ly kabeng aleng theung y tla i, kabeng aleng ly vanrei prau hai i vawi pajeang veng.