MARKA 4:5 - Khumi Common Language Bible

⁵ Naibaly phyrei ly thaithi tleaung y khaileaung ampo nai meingtym y tla i,

MARKA 4:5 Iomraidhean Croise

Ezekiela 11:19

Nichi ai paleung adyh adawi hai iy paleung kangtha hawi ka-dawn kangtha kapei ai. Kai ly nichi i lengseaung kamta tang nanai paleung la pi vui iy, leu atangai nai paleung kapei ai.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

AMOS 6:12

Keaungngochi ly lengseaung salo y angpreng reng a? Khumi ly si katai hawi pangli salo y li thawn vai sai a? Tuteu i malawn py nangchi ly adyh adawi naira ai dei asi kamta py, kateng ai teng y naira mang y py, tamang hai nai ne.

MATTHAI 13:20

Naibaly thaithi tleaung y hei nai ly hini ne he: mymy ly leu thai iy kawn parai naimy tangai praw ryp:

MARKA 4:4

naibaly hina nai ne, mymy ly hei nai khala y phyrei ly lam teng y tla i, tavochi my cha krai.

MARKA 4:6

khaileaung tho y nai deaungkho y prau praw ryp: naibaly kani asang leng nai kha y ly ang i, tangjyn ngo y nai deaungkho y jei ryp veng.

LUKA 8:13

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

LUKA 8:6

Naibaly phyrei ly thaithi tleaung y tla i prau praw: na i py khaileaung ni y nai deaungkho y jei ryp veng.