MARKA 4:31 - Khumi Common Language Bible

³¹ Ti y baly ati leu hawi pata ai mo? Anmawi hm amairei hei nai khala y ly khaileaung i ti bawibawi tleaung y theang keh teu i py,

MARKA 4:31 Iomraidhean Croise

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 60:22

Nang i di keh nai, anem keh nai yhm dengtheung malawn py, sang neangneang peung iy, sa thai naira len nai khumi cheng lawm ai. Neng tym nai khala y kai ly hina nai kamta tym hai kasa ai. Kai ly Areng ne na a!

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MARKA 4:30

Naibaly mymy ly, “Achi ly Tameuh i peang nai ly mana pata ai mo?

MARKA 4:32

hei nai bo y ly prau i amti amjang bawibawi tleaung y len keh lawh i, changpi len puipui tlai sai; hunaibaly salo mang i tavochi ly kampho y jei pajau; hunai kamta ne,” napi.

LUKA 17:6

Naibaly Areng my ly, “Nangchi i ym naira anmawi hm amairei ka-tawm awm baly, sukamin dengkeaung teng y ly, ‘Nangmy akyn ryp ly, pangli y a-ui vui,’ nanai nangchi my napi ai i, nangchi i leu tangai ryp ai.

AMTAW 19:20

Huna tanrei Areng i leu ly ahei iy pajau bo.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 21:20

Naibaly amjo amnauchi ly huni leu thai baly Tameuh ai palo, naibaly nichi ly ni teng y, “Be awi, Judachi theung y ym naichi i khri pa-rei nawi nai sai ly nang niu i, nichi bawibawi ly Reita y hawihai palai dawn;

AMTAW 4:4

Na i py leu tangai naichi theung y neangneangchi my ly ym, nichi i nawi nai sai ly neampacho ka-cheang ryry naimy sang pangrei awm.

AMTAW 5:14

Naibaly neampacho neampachy neangneang Areng ai ym i panawi ra bi bo.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.