MARKA 4:19 - Khumi Common Language Bible

¹⁹ hunichi ly leu ly thai i, khaileaung pri y heng nai khala y dawn nai saichi hawi, nang naira my tapawp nai saichi hawi, tlang i atiti takhra ngai phi teng y naichi py kun iy, leu ai ly achih hai i, athai y bo.

MARKA 4:19 Iomraidhean Croise

LEU KACHENG 23:4

Nang chawn ai nai molam atho sa naira y, amymy ai akawm hai ala y ai nai cheng naira awm ba.

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MATTHAI 19:23

Naibaly Isu ly abangnaichi teng y, “Meitang khyp kang thui pi, khumi kanang i vui ly kani pri my peang naira y kun ai nai khri pa-rei rai na.

MATTHAI 3:10

Vai py dengkeaung pakeung tleirei y atiu khai yb bo; hunaibaly dengkeaung tleirei athai kahawi athai y nai ngierei ly paliu iy mai y aphi nai ne.

MARKA 4:18

Naibaly takhrachi ly kabeng aleng theung y hei nai ne:

LUKA 10:41

Naibaly Areng my ly, “Martha, Martha, nang ly atiti neangneang dawn ala nai, khrukhrala na na a tu ly; na i py aly len keh nai harei awm;

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 6:12

Ati mana nai mo nabaly achi i ani nai ly thi hawi ngan hawi ny y leang, na i py areng naira hawi, aly peang naira hawi, hini veng nai tleaung y khaileaung pri peang nai keungchi hawi, kani laileaung y awm nai vawinamchi hawi ani nai teu.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

II TIMOTHEI 4:10

Kriski ly Kalatia pri y chei i, Tita py Damlmatia pri y chei teang. Kai teng y Luka leaungrei chy awm khyh.

II PETERA 1:8

Hunichi ly nangchi i ne iy peung dudu lawh baly, achi i Areng Isu Krista ai pany naira ly nangchi ai atho si y nai hawi, athai y nai ny y nai py ang sa hai reng nai ne.

JUDA 1:12

Hunichi ly nangchi hawi vanrei atamen nai pawi cha u nai thym khala y ly amtengru nai lengseaungchi ne: jei y naimy apacho nai beram typ nai keungchi ne:tui by y nai khupanym ai ali my hm naichi ne: athai by y nai ngam aau nai thengthai, tleng nyhrei dei nai, tangjyn khrairei akyn rau naichi ne: